23 ساۋىردە, تۇنگى ساعات 00.50 شاماسىندا سەمەي قالاسىنان شىعا بەرىستە پاترۋلدىك پوليتسيا قىزمەتكەرلەرى «مەرسەدەس-بەنتس» ماركالى اۆتوكولىگىن توقتاتقان. بەلگىلى بولعانداي, ەلوردالىق جۇرگىزۋشى ماس كۇيدە بولعان. سونىمەن قاتار ول 3 جىلعا دەيىن كولىك قۇرالىن باسقارۋ قۇقىعىنان ايىرىلعان ەكەن.
«اتالعان فاكتى بويىنشا قر قك-ءنىڭ 346-بابى 1-بولىگى, ياعني كولىك قۇرالىن باسقارۋ قۇقىعىنان ايىرىلعان جانە ماساڭ كۇيدەگى تۇلعانىڭ كولىك قۇرالىن باسقارۋى بويىنشا سوتقا دەيىنگى تەرگەۋ باستالدى. قازىرگى ۋاقىتتا ءبىر قاتار سوت ساراپتامالارى تاعايىندالدى. ونىڭ ناتيجەسى بويىنشا پروتسەستىك شەشىم قابىلدانادى», دەدى وبلىستىق پد باستىعى ساعات ماديەۆ.
سونىمەن قاتار زاڭدا بۇل فاكتى بويىنشا ءومىر بويىنا كولىك قۇرالىن باسقارۋ قۇقىعىنان ايىرىپ, 5 جىلعا دەيىن باس بوستاندىعىنان ايىرىلۋ كوزدەلگەن.
بيىل پوليتسيا دەپارتامەنتىنىڭ اۋماقتىق بولىمشەلەرىندە سوتقا دەيىنگى ءىس جۇرگىزۋ اياسىندا كولىك قۇرالىن باسقارۋ قۇقىعىنان ايىرىلعان جانە ماساڭ كۇيدەگى تۇلعانىڭ كولىك قۇرالىن باسقارۋىنىڭ 33 فاكتىسى تىركەلگەن. 24 فاكتى بويىنشا ايىپتاۋ ۇكىمى شىعارىلعان.
