بۇل تۋرالى وڭىرلىك كوممۋنيكاتسيالار قىزمەتىندە وتكەن ونلاين بريفينگتە سىرداريا اۋدانىنىڭ باس مەملەكەتتىك سانيتاريالىق دارىگەرىنىڭ مىندەتىن اتقارۋشى قۇرالاي وماروۆا مالىمدەدى.
ماماندار كوروناۆيرۋستىق ينفەكتسياسىنىڭ تىركەلۋىنىڭ نەگىزگى سەبەپتەرى تۇرعىنداردىڭ كارانتيندىك شارالاردى ساقتاماۋىنان بولىپ وتىرعانىن ايتادى.
«اۋىرعانداردىڭ ەڭ جوعارى دەڭگەيى ەرەسەكتەر اراسىندا تىركەلدى. ولار جالپى سىرقاتتانۋشىلىقتىڭ 72 پايىزىن قۇرايدى, بالالار ۇلەسى 23,7 پايىزدى جانە جاسوسپىرىمدەر 4,5 پايىزدى قۇرادى. دەنە قىزۋىڭىز كوتەرىلىپ, جوتەل جانە تىنىس الۋ قيىنداعان جاعدايدا مەديتسينالىق كومەككە جۇگىنۋ قاجەت. ويىن-ساۋىق, وتباسىلىق, سالتاناتتى, ەستەلىك جيىندارىن وتكىزۋدى كەيىنگە قالدىرۋلارىڭىزدى سۇرايمىز. بۇل ىندەتتى تەك بارلىعىمىز بىرلەسىپ قانا جەڭەتىنىمىزدى ەستەن شىعارمايىق», دەدى قۇرالاي سايرانقىزى.
«سپۋتنيك-V» ۆاكتسيناسىن سالۋعا اۋداندىق اۋرۋحانا عيماراتىنان 2 ەگۋ كابينەتى جاساقتالدى. تاسىمالدانۋعا قولايلى ۆاكتسينامەن قامتاماسىز ەتىلگەن جاعدايدا بارلىق ەلدى مەكەندەردە ەگۋ كابينەتتەرى مەن جىلجىمالى ەگۋ بريگادالارى جۇمىس جاساۋعا دايىن. اۋدانعا ناۋرىز ايىنان باستاپ 4500 دوزا ۆاكتسينا جەتكىزىلىپ, 4045 تۇرعىن ەكپە سالدىردى.
