بقو دەنساۋلىق ساقتاۋ باسقارماسى ءمالىم ەتكەنىندەي, قازىرگى تاڭدا 1123 توسەكتىك 18 اۋرۋحانادا 566 ناۋقاس ەم الۋدا.
ينفەكتسيالىق ستاتسيونارلار 50,4 پايىزعا تولعان.
باسقارما مالىمەتىنە قاراعاندا, جىل باسىنان بەرى وبلىستا 10459 ادام كوروناۆيرۋس جۇقتىرسا, سونىڭ 6634-ىندە اۋرۋ بەلگىلەرى بار, 3825-ءى – سيمپتومى جوقتار.
تىركەلگەندەردىڭ تەڭ جارتىسىنان استامى نەمەسە 59,4 پايىزى (6219) ورال قالاسىنىڭ ۇلەسىنە تيەدى. سونداي-اق بايتەرەك اۋدانىندا 1262 (12 پايىزى), بورلىدە 1114 (10,6 پايىزى) ادام سىرقاتتاندى.
ىندەت باستالعاننان بەرى بارلىعى 19680 ادام (11299-ى – اۋرۋ بەلگىلەرى بار, 8381-ءى – سيمپتومى جوقتار) دەرتكە شالدىقتى. 15384 ادام ساۋىعىپ شىقسا, 286-سى كوز جۇمدى.
«سوڭعى تاۋلىكتە 73 ادام (51-ءىنىڭ اۋرۋ بەلگىلەرى بار) كوۆيدپەن تىركەلسە, 26 ناۋقاس جازىلىپ شىقتى. الدىڭعى اپتامەن سالىستىرعاندا, سوڭعى اپتادا ىندەت جۇقتىرۋ كورسەتكىشى 18,5 پايىزعا (222-گە) تومەندەدى», دەپ حابارلادى ۆەدومستۆودان.
