قوعام • 04 مامىر، 2021

جەتىم بالالاردى ءوزىمىز اسىرايىق

68 رەت كورسەتىلدى

كۇنى وتكەن كەڭەس زامانىنداعى كوممۋنيستىك يدەولوگيانىڭ سالدارىنان جەتىمىن جىلاتپاعان، جەسىرىن قاڭعىرتپاعان اتا داستۇرىمىزدەن ايىرىلىپ، وسى ۇلتتىق قۇندىلىعىمىزدى تاۋەلسىزدىك جىلدارىندا دا تولىق تۇگەندەي الماعانىمىز انىق. سونىڭ سالدارىنان بەسىكتەن بەلى شىقپاي جاتىپ، «تاستاندى» اتانعان تالاي بەيكۇنا ءسابي زاڭدى-زاڭسىز ساۋداعا سالىنىپ، ۇلتىمىزعا ۇيات كەلتىرىپ تۇرعاندىعى بەلگىلى. وسى جونىندە «Egemen Qazaqstan» گازەتىندە ء«سابي ساۋداسى قاشان توقتايدى؟» (2021 جىلعى 23 ءساۋىر) دەگەن تاقىرىپپەن جاريالانعان سىني ماقالا وقىرمان قاۋىمدى بەيجاي قالدىرماعان سياقتى.

قازاقستانداعى ۇلكەن پروبلەما  بەيكۇنا جاس قازاق بالالارىن شەتەلدەرگە – امەريكاعا، ەۋروپاعا، يزرايل­گە بەرىپ جاتقانىمىز. شىن مانىندە، باي امەريكالىقتار ءبىزدىڭ بالالارىمىزدى ءتىرى ويىنشىق رەتىندە الۋدا. وزدەرى تۋىپ، قينالماي، نارەستەنى باعىپ-كۇتپەي، دايار بالالاردى بىزدەن ساتىپ الادى. ويتكەنى شەتەلدە بالا­لار­عا بەرەتىن جاردەماقى وتە جوعارى، سوندىقتان 2-3 بالا اسىراپ السا، سونىڭ اقشاسىنا ءتاتتى ءومىر سۇرۋگە بولادى. امەريكالىقتار قازاقستاننان العان بالالاردىڭ قان­شا­سىن كوشەگە تاستاپ كەتتى جانە ءول­تىر­دى؟

ءبىز باي ەلمىز دەپ ماقتانامىز، اۋعان­ستان، تاجىكستان، قىرعىزستانعا كومەك بەرەمىز. جاقسى. ال ءوز جەتىم بالالارىمىزدى اسىراي المايمىز، قار­جى جوق دەپ شەتەلگە مىڭداپ جىبە­رىپ جاتىرمىز. بۇعان قوسا رەس­پۋب­ليكادا حالىق از دەيمىز دە، شەتەل­دە جۇرگەن قازاقتارعا ازاماتتىق بەر­مەيمىز. جۇمىس قولى كەرەك دەپ، سىرت­تان جات ميگ­رانت­تاردى شاقى­را­مىز. بۇل – ۇلكەن قا­تەلىك.

قازىرگى تالقىلانىپ جاتقان زاڭ جوباسىنىڭ ورنىنا، شەتەلگە قازاق بالالارىن جىبەرمەۋ تۋرالى رەسەي، وزبەكستان، قىرعىزستان جانە باسقا ەلدەر سەكىلدى زاڭ قابىلداۋ كەرەك. پار­لا­مەنت دەپۋتاتتارى، پاتريوت ەكەن­دە­رىڭىزدى كورسەتىڭىزدەر. كەرەك بولسا، ءبارىمىز ءبىر-ءبىر بالادان اسىراپ الايىق.

 

سايلاۋ باتىرشا ۇلى،

ديپلومات، پروفەسسور

 

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

ۇقساس جاڭالىقتار