ايماقتار • 03 مامىر، 2021

الماتىدا 14 مەكەمە كارانتين تالاپتارىن بۇزدى

16 رەت كورسەتىلدى

الماتى قالاسىندا مونيتورينگ توپ كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا شەكتەۋ شارالارىنىڭ ساقتالۋىن باقىلاۋدى جالعاستىرۋدا، دەپ حابارلايدى Egemen.kz

كەشە تۇندە قالادا 14 مەكەمە كارانتين تالاپتارىن بۇزدى. انىقتالعان بۇزۋشىلىقتار اراسىندا: «Bla Bla» بارى بار، وندا 50-گە جۋىق ادام بولعان، «نەبو» تۇنگى كلۋبى 80-گە جۋىق كەلۋشىنى قابىلداعان. مونيتورينگ توبىنىڭ وكىلدەرى اتاپ وتكەندەي، «Bla Bla» مەكەمەسىنىڭ اكىمشىلەرى «Ashyq» جوباسىنا سايكەس جۇمىس ىستەپ جاتقاندارىن ايتقان.

الايدا، اتالعان مەكەمە الماتى قالاسى بويىنشا وسى قاناتقاقتى جوبادا جۇمىس ىستەيتىن كاسىپكەرلىك سۋبەكتىلەرىنىڭ تىزىمىنە كىرمەيدى، سونداي-اق الەۋمەتتىك قاشىقتىق ساقتاۋ جانە كەلۋشىلەر سانى 50%-دان اسپاۋى كەرەك دەگەن تالاپتار ساقتالماعان.

ءتىزىم قالا اكىمدىگىنىڭ رەسمي سايتىندا مىنا سىلتەمە بويىنشا قولجەتىمدى. بيىل 20 ناۋرىز بەن 3 مامىر ارالىعىندا بەلگىلەنگەن شەكتەۋلەردىڭ 761 رەت بۇزىلعانى انىقتالدى. 3309 ادامعا اكىمشىلىك جاۋاپكەرشىلىككە تارتۋ تۋرالى حاتتاما تولتىرىلدى.

الماتى اكىمدىگى Ashyq جوباسىنا قاتىساتىن بيزنەس سۋبەكتىلەرى ءۇشىن كارانتين شارالارىن جانە بەلگىلەنگەن جۇمىس رەجيمىن ساقتاۋعا شاقىرادى:

مەيرامحانالار، ءدامحانالار مەن جازدىق الاڭدارعا كەلۋشىلەر سانى 50%-عا، 50 ورىنعا دەيىن، ساعات 7:00-دەن 2:00-گە دەيىن;

تەاترلار، كينوتەاترلار، كونتسەرت زالدارى، فيلارمونياعا كەلۋشىلەر سانى 30%-دان اسپاۋى كەرەك;

بيليارد كلۋبتارى تولىمدىلىعى 30%-دان اسپاعان جاعدايدا، جۇمىس رەجيمى 12:00-دەن ءتۇن ورتاسىنا دەيىن;

كومپيۋتەرلىك كلۋبتار، PlayStation-كلۋبتارىن قوسا العاندا، كەلۋشىلەر سانى 30%-دان اسپاعان جاعدايدا، 12:00-دەن ءتۇن ورتاسىنا دەيىن، بۇل رەتتە 16 جاسقا تولعان جانە ودان ۇلكەن ازاماتتار عانا جىبەرىلەدى;

بوۋلينگتەر كەلۋشىلەر سانى 30%-دان اسپاعان جاعدايدا، 12:00-دەن ءتۇن ورتاسىنا دەيىن.

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار