ەسكە سالا كەتەيىك, الماتىدا 100-دەن استام كوشە جاڭا اتاۋعا يە بولاتىنى تۋرالى جازعان بولاتىنبىز.
تاۋجولى شاعىناۋدانىنداعى ششەدروست كوشەسىن ساياسي قايراتكەر كاپيتولينا كريۋكوۆانىڭ ەسىمىمەن اتاۋ ۇسىنىلدى. ناۋرىزباي اۋدانى بويىنشا قالقامان-2 شاعىناۋدانىنداعى 5-كوشەنى – سەرگەي دياچەنكو, 7-كوشەنى – ۆالەري حريششاتىي ەسىمىمەن اتاۋ, ال پروەكتيرۋەمايا كوشەسىنە كومپوزيتور بازارباي جۇمانيازوۆ ەسىمىن بەرۋ ۇسىنىلدى.
ساراپشىلار تاستىبۇلاق ىقشاماۋدانىنداعى ايبوليت-2 كوشەسىن مەدەۋ شاتقالىنداعى سەلدەن قورعايتىن بوگەتتىڭ قۇرىلىسىن باسقارعان عالىم, ينجەنەر الەكسەي حەگايدىڭ ەسىمىمەن اتاۋ قاجەت دەپ سانايدى.
ال اقجار شاعىناۋدانىندا كارەرنايا كوشەسىنىڭ ورنىنا قيلىباي مەدەۋبەكوۆ كوشەسى پايدا بولۋى مۇمكىن. ناۋرىز شاعىناۋدانىنداعى ينتەرناتسيونالنايا كوشەسىن مەملەكەت قايراتكەرى سالامات مۇقاشەۆتىڭ قۇرمەتىنە وزگەرەدى. الماتى اكىمدىگى مەن ءماسليحاتىنىڭ بۇل قاۋلىسىن 12 مامىرعا دەيىن «اشىق نقا» سايتىندا تالقىلاۋعا بولادى.
