ەكولوگيا • 27 ءساۋىر، 2021

سەمەيدەگى پوليگون اۋماعىندا قاۋىپ جوق

130 رەت كورسەتىلدى

قازاقستاننىڭ ۇلتتىق يادرولىق ورتالىعى 2008 جىلى يادرولىق سىناقتاردىڭ پوليگون اۋماعىنا جانە وعان جاقىن جەرلەرگە اسەرىن زەرتتەۋ جۇمىستارىن جۇرگىزە باستادى، دەپ حابارلايدى Egemen.kz.

ورتالىق 2021 جىلى سەمەي سىناق پوليگونى جەرلەرىنىڭ راديواكتيۆتى لاستانۋىن تەكسەرۋدى اياقتاۋدى جوسپارلاپ وتىر. ماماندار سۋدىڭ، اۋانىڭ، وسىمدىكتەر مەن جانۋارلار الەمىنىڭ جاعدايىن زەرتتەدى. زەرتتەۋدىڭ كەيبىر ادىستەرىن قر ۇلتتىق يادرولىق ورتالىعى ازىرلەگەن. بۇگىنگى تاڭدا پوليگون اۋماعىنىڭ 90%-عا جۋىعى تەكسەرىلدى.

قورشاعان ورتا جاعدايىنىڭ مونيتورينگى قورشاعان ورتا مەن حالىقتىڭ قاۋىپسىزدىگىنە اسەر ەتەتىن رادياتسيالىق جاعدايدىڭ تەرىس وزگەرىستەرىن ۋاقىتىندا انىقتاۋعا مۇمكىندىك بەرەدى.

پوليگون اۋماعىنداعى جانە ودان تىس جەرلەردەگى اۋا جانە سۋ ورتاسىن زەرتتەۋ ءۇشىن ارنايى زەرتحانالاردا ودان ءارى تالداۋ ءۇشىن سىناما الۋ جۇرگىزىلەتىن مونيتورينگ پۋنكتتەرى قۇرىلدى. قازىرگى ۋاقىتتا 4 اۋا ورتاسىن باقىلاۋ پۋنكتى جانە 8 سۋ ورتاسىن باقىلاۋ پۋنكتى بار. بارلىعى 22 مونيتورينگ پۋنكتىن قۇرۋ جوسپارلانىپ جاتىر.

جۇرگىزىلگەن مونيتورينگ ناتيجەلەرى اۋاداعى راديواكتيۆتى ەلەمەنتتەردىڭ ەڭ كوپ مولشەرى تىكەلەي يادرولىق سىناقتار جۇرگىزىلەتىن جەردەن تابىلعانىن كورسەتتى. بۇل رەتتە پوليگوننىڭ لاستانعان ۋچاسكەلەرىنەن تىس «ۇزاق ءومىر سۇرەتىن» راديواكتيۆتى ەلەمەنتتەر (امەري، تسەزي نەمەسە سترونتسي) تابىلعان جوق.

ناتيجەسىندە، مونيتورينگ جالپى پوليگوندا جانە ودان تىس جەرلەردە اۋا جانە سۋ ورتاسىنىڭ اعىمداعى رادياتسيالىق جاي-كۇيى تۇراقتى جانە حالىق ءۇشىن قاۋىپ توندىرمەيتىنىن كورسەتتى. يادرولىق سىناقتار جۇرگىزىلگەن الاڭدارىنىڭ راديواكتيۆتى لاستانعان ۋچاسكەلەرى بۇعان جاتپايدى.

بيىل سەمەي سىناق پوليگونىنىڭ جابىلۋىنا 30 جىل تولادى.

سوڭعى جاڭالىقتار

جەتىم كورسەڭ، جەبەي ءجۇر

ايماقتار • كەشە

ار الدىندا ارىلۋ

رۋحانيات • كەشە

كەدەي ەلدەرگە كومەك

ەكونوميكا • كەشە

عاسىر ءاجىمى

ونەر • كەشە

ۇقساس جاڭالىقتار