QAZVAC ۆاكتسيناسى ەكى دوزالى ۆاكتسينا جانە ءبىر امپۋلا ءبىر ادامعا ارنالعان.
سونىمەن قاتار وتاندىق ۆاكتسينا مۇزداتۋدى قاجەت ەتپەيدى, ياعني, ەكپە پليۋس 2-دەن 8 گرادۋسقا دەيىنگى تەمپەراتۋرادا ساقتالادى. ايتا كەتەيىك, قازىرگى تاڭدا ەلىمىز ۆاكتسينالار ءوندىرىسىن ىسكە قوسقان جانە ۆاكتسينالاردى شىعارۋدىڭ تولىق تسيكلىن ازىرلەۋدەن باستاپ قولدانۋعا دەيىن ءوز بەتىنشە يگەرگەن الەمنىڭ 10 ەلىنىڭ قاتارىنا ەندى. ايتا كەتەيىك, بۇگىندە ينفەكتسيالىق جانە پروۆيزورلىق ستاتسيونارلاردا توسەك-ورىن, ءدارى-دارمەك, وتتەگى, كونتسەنتراتور سەكىلدى قاجەتتى قۇرال-جابدىقتاردىڭ بارلىعى جەتكىلىكتى.
«وبلىس بويىنشا قازىر ينفەكتسيالىق ستاتسيوناردا 374 ناۋقاس, رەانيماتسيالىق بولىمدە 44, ونىڭ 28-ءى قالادا, 16-سى اۋدانداردا ەم قابىلداپ جاتىر», دەدى وبلىستىق دەنساۋلىق ساقتاۋ باسقارماسىنىڭ باسشىسى ءسابيت پازىلوۆ.
ەگۋ قازىر №1, 3, 4, 5, 6 جانە «سەنىم» ەمحانالارىندا, وبلىستىق كەڭەس بەرۋ دياگنوستيكالىق ورتالىعىندا, «ينتەرتيچ» كلينيكاسىندا, قىزىلوردا تج, «ASA» جشس, بارلىق اۋدانداردا جانە بايقوڭىر قالاسىندا جۇرگىزىلۋدە. وبلىس بويىنشا بارلىعى 32 ەگۋ كابينەتى, 23 جىلجىمالى توپ بريگاداسى ۇيىمداستىرىلدى. جالپى, ۆاكتسيناتسيالاۋ جۇمىستارى حالىققا قولجەتىمدى بولۋى ماقساتىندا قوسىمشا تەاتر, بازارلار مەن ساۋدا ورتالىقتارىندا جۇرگىزىلەتىن بولادى.
