قوعام • 26 ءساۋىر، 2021

ۇلتتىق بانك كوللەكتسيالىق مونەتالاردى ساتىلىمعا شىعارادى

46 رەت كورسەتىلدى

ۇلتتىق بانك «ەستە قالاتىن وقيعالار مەن ءبىرتۋار ادامدار» سەرياسىنان «QAZAQSTANNYŃ ASTANASY – NUR-SULTAN» كوللەكتسيالىق مونەتالارىن ساتىلىمعا شىعارادى، دەپ حابارلايدى Egemen.kz.

مونەتالاردى 28 ساۋىردەن باستاپ kazcoins.nationalbank.kz ينتەرنەت-دۇكەنى ارقىلى ساتىپ الۋعا بولادى. ول ءۇشىن قولدانۋشىلار تىركەلىپ، جەكە كابينەت اشۋعا ءتيىس.

نومينالى 1 000 تەڭگەلىك، جالپى ماسساسى 62،2 گرامم، 925/1000 سىنامالى كۇمىستەن، ماسساسى 46،2 گرامم، قۇرامداس بولىگى 999/1000 سىنامالى التىننان، ماسساسى 16 گرامم، «proof» دايىنداۋ ساپاسىمەن، ديامەترى 50 مم بولاتىن مونەتالار 1 000 دانا تارالىممەن دايىندالدى.

مونەتالار قازاقستان رەسپۋبليكاسىنىڭ بۇكىل اۋماعىندا تولەمدەردىڭ بارلىق ءتۇرى بويىنشا قابىلداۋعا، سونداي-اق قازاقستان رەسپۋبليكاسىنىڭ بارلىق بانكىندە بانك شوتتارىنا ەسەپكە الىنۋعا، اۋدارىلۋعا، ۇساقتاۋعا جانە ايىرباستاۋعا جاتادى.

مونەتالار كادەسىي ورامدا شىعارىلادى جانە قازاقستان ۇلتتىق بانكىنىڭ مەملەكەتتىك تىلدەگى، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.

كوللەكتسيالىق مونەتالار قازاقستان تەڭگە سارايىندا دايىندالعان.

سوڭعى جاڭالىقتار

ۇقساس جاڭالىقتار