سپورت • 20 ءساۋىر، 2021

قازاقستاننىڭ 10 بوكسشىسى جارتىلاي فينالعا شىقتى

72 رەت كورسەتىلدى

پولشانىڭ كەلتس قالاسىندا بوكستان جاستار اراسىنداعى الەم بىرىنشىلىگىنىڭ شيرەك فينالى ءوتتى، دەپ حابارلايدى Egemen.kz.

ەرلەر اراسىندا 56 كيلو سالماقتا سايىسقا تۇسكەن ەربولات سابىردىڭ (56 كيلو) ونەرى كوپشىلىكتى ءسۇيسىندىردى. كۋبالىق سايدەل يۆان رودريگەس حورتامەن بولعان باسەكەدە وتە ساۋاتتى قيمىلداپ، ءار سوققىسىن ەسەپپەن جۇمساعان قازاقتىڭ قايسار ۇلى بوستاندىق ارالى وكىلىنەن باسىم ءتۇستى.

64 كيلو سالماقتاعى سابىرجان اققالىقوۆتى دا قالاي ماقتاساق تا جاراسادى. ونىڭ دا جولى كۋبانىڭ «قارا مارجانىمەن» قيىستى. ۇنەمى شابۋىل وتىندە جۇرەتىن سابىرجان داريان حاۆەر كاستروعا سان سوقتىردى.

75 كيلو سالماقتاعى دياس مولجىگىتوۆكە ليتۆالىق الەكساندر تروفيمچۋكتى تىزە بۇكتىرۋ ايتارلىقتاي قيىندىق تۋعىزعان جوق. قانداسىمىز قارسىلاسىن الداپ تا، ارباپ تا سوعىپ، كوزدەگەن ماقساتىنا قول جەتكىزدى.

اسا جەڭىل سالماقتاعى سانجار تاشكەنباي وزبەكستاندىق يبراگيم يسجونوۆتان ايلاسىن اسىرسا، 60 كيلو سالماقتاعى ەلنۇر ءسۇيىنباي برازيليالىق يۋري دوس رەيەستەن باسىم ءتۇستى. ال ءمادي ءامىروۆ (91 كيلو) اسا شيەلەنىستى وتكەن باسەكەدە ۇندىستاندىق ۆيشال گۋپقا 2:3 ەسەبىمەن ەسە جىبەردى. وسىلايشا، رينگكە كوتەرىلگەن التى جىگىتىمىزدىڭ بەسەۋى جارتىلاي فينالعا شىقتى.  

قىزدار اراسىنداعى جارىستا جۇلدىز شاياحمەتوۆا (60 كيلو)، جاسمين قيزاتوۆا (69 كيلو)، دانا ديداي (75 كيلو) جانە ەلدانا ءتالىپوۆا (+91 كيلو) سىندى سۇلۋلارىمىز ءوز قارسىلاستارىن ۇتىپ، جۇلدەلى ورىندار ءۇشىن تالاسۋ مۇمكىندىگىنە يە بولدى.  

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار