بۇقارالىق اقپارات قۇرالدارىنىڭ مالىمەتىنشە, ءموۋرينيۋدى قىزمەتىنەن بوساتۋ «توتتەنحەمگە» 30 ميلليون فۋنت ستەرلينگكە تۇسەدى. 58 جاسار مامان «توتتەنحەم» فۋتبول كلۋبىنا 2019 جىلدىڭ قاراشاسىنان باستاپ باسشىلىق ەتەدى. كەلىسىمشارتقا سايكەس, ول بۇل ۇيىمدا الداعى جىلدىڭ 23 ماۋسىمىنا دەيىن قىزمەت ەتۋى ءتيىس.
«توتتەنحەم» وسى ماۋسىمدا 32 تۋردان كەيىن 50 ۇپايمەن انگليا پرەمەر-ليگاسىندا جەتىنشى ورىندا تۇر.
ايتا كەتەيىك, موۋرينيۋ باس باپكەر رەتىندە پورتۋگالدىق «بەنفيكا», «يۋنيان لەيريا» جانە «پورتۋ» كلۋبتارىن, يتالياندىق «ينتەر», اعىلشىندىق «چەلسي», «مانچەستەر يۋنايتەد» پەن يسپاندىق «رەالدى» باسقارعان.
2017 جىلدىڭ باسىندا UEFA جوزە ءموۋرينيۋدى 1954 جىلى ۇيىم قۇرىلعاننان بەرگى ەۋروپالىق فۋتبولدىڭ ەڭ جاقسى ون جاتتىقتىرۋشىسىنىڭ تىزىمىنە قوسقان.
