بۇل جارىستىڭ قالاي اياقتالعانى جايىندا ءبىز بۇعان دەيىن ەگجەي-تەگجەيلى بايانداعان ەدىك. ەرتەڭ تاعى بەس سالماقتا باسەكەلەر وتەدى. سول جارىستىڭ العاشقى اينالىمىندا قازاقستاننىڭ بالۋاندارى مىنا سپورتشىلارمەن شەبەرلىك بايقاسادى:
53 كيلو سالماقتاعى اسىلزات ساعىمباي كورەيالىق وح حيۋنيۋنگ جانە وزبەكستاندىق شاحنوزاحۋن ماحمۋدوۆامەن بەلدەسەدى.
57 كيلو سالماقتا التىناي ساتىلعان سايىسقا تۇسەدى. ول كورەيالىق لي شينحۋ جانە سينگاپۋرلىق دانيەلە چينگ ليممەن كۇش سىناسادى.
62 كيلو سالماقتا يرينا كۋزنەتسوۆا بوز كىلەمگە شىعادى. ونىڭ قارسىلاستارى – وڭتۇستىك كورەيانىڭ وكىلى كۆون يۋنجين مەن قىرعىزستاننىڭ ماقتانىشى ايسۇلۋ تىنىبەكوۆا.
65 كيلو سالماقتا گاۋھار مۇقاتايدىڭ ونەرىن تاماشالايمىز. قازاق قىزى تايپەيلىك كسين پەنگ پاي جانە ۇندىستاندىق ساقشى مالىكپەن شەبەرلىك بايقاسادى.
72 كيلو سالماقتاعى جاميليا باقبەرگەنوۆانىڭ قارسىلاستارى – كورەيالىق پاك سۋجين مەن موڭعوليالىق تسەۆەگمەگ ەنحبايار.
