ايماقتار • 15 ءساۋىر، 2021

سوت شەشىمىن ورىنداماعان ازامات قاماۋعا الىندى

23 رەت كورسەتىلدى

قىزىلوردا وبلىسى بويىنشا قاج دەپارتامەنتىنىڭ جاڭاقورعان اۋداندىق پروباتسيا قىزمەتى يسپەكتورلارى سوتتالعاندار تاراپىنان جاسالاتىن قۇقىقبۇزۋشىلىقتاردىڭ الدىن الۋ ماقساتىندا جۇيەلى جۇمىستار جۇرگىزىپ جاتىر، دەپ حابارلايدى Egemen.kz

جاقىندا اۋداندىق سوتتا پروباتسيالىق باقىلاۋداعى ازاماتقا قاتىستى سوت وتىرىسى ءوتتى.

«پروباتسيا ەسەبىندەگى ب ەسىمدى ازامات سوت بەلگىلەنگەن مىندەتتەردى ورىنداماي، جازا وتەۋ مەرزىمىندە ءوزىن تەرىس جاعىنان كورسەتىپ كەلدى. سونىمەن قاتار، ول بەلگىلەنگەن كۇندەرى پروباتسيا قىزمەتىنە تىركەلۋگە بىرنەشە رەت سەبەپسىز كەلمەي قالعان، تەكسەرۋ كەزىندە مەكەن جايىندا بولماعان. ودان بولەك، قوعامدىق ورنىندا الكوگولدىك ىشىمدىك ءىشىپ، ماساڭ كۇيىندە جۇرگەنى وعان ۋچاسكەلىك ينسپەكتور قر اقبتك-ءنىڭ 440-بابىنىڭ 1-بولىگىنىڭ تالاپتارىن بۇزعانى ءۇشىن اكىمشىلىك حاتتاما تولتىرىپ، ايىپپۇل سالىنعان»، دەدى اۋداندىق پروباتسيا قىزمەتىنىڭ ينسپەكتورى ادىلەت كاپيتانى ج.يسمايلوۆا.

سوتتالعان ازاماتتىڭ جوعارىدا اتالعان زاڭبۇزۋشىلىقتارىنا سايكەس، جاڭاقورعان اۋداندىق پروباتسيا قىزمەتىمەن وعان قاتىستى باس بوستاندىعىن شەكتەۋ تۇرىندەگى جازانىڭ وتەلمەگەن مەرزىمىن باس بوستاندىعىنان ايىرۋ جازاسىنا اۋىستىرۋ ءۇشىن سوتقا ۇسىنىم جولدانعان.

سوت شەشىمىمەن، ونىڭ باس بوستاندىعىن شەكتەۋ تۇرىندەگى 2 جىل 3 اي وتەلمەگەن جازاسى باس بوستاندىعىنان ايىرۋ جازاسىنا اۋىستىرىلىپ، جازاسىن ودان ءارى وتەۋ ءۇشىن تۇزەۋ مەكەمەسىنە جىبەرىلدى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار