ايماقتار • 14 ءساۋىر، 2021

ىندەتتەن ساقتىق قانا قۇتقارادى

32 رەت كورسەتىلدى

وتكەن اپتادان باستاپ قىزىلوردا كوروناۆيرۋس ينفەكتسياسىنىڭ تارالۋى جاعىنان «سارى ايماقتاعى» وڭىرلەر قاتارىنا قوسىلدى. وسىعان بايلانىستى وبلىس اكىمى گۇلشارا ابدىقالىقوۆا جەدەل شتاب وتىرىسىن وتكىزىپ، ىندەتپەن كۇرەستى كۇشەيتۋ باعىتىندا اتقارىلعان جۇمىستاردى سارالادى.

سۋرەتتى تۇسىرگەن ەرلان ومار، «EQ»

– قازىر ايماقتا كۇننەن-كۇنگە ەپيدەميالىق جاعداي كۇر­دە­لەنۋدە. تاۋلىگىنە 40-تان استام دەرەك تىركەلىپ، جاپپاي قايتا جۇقتىرۋ قاۋپى وتە جوعارى بولىپ تۇر. وتكەن اپتادان باستاپ وبلىس «سارى ايماققا» ءوتتى، بۇل بىزگە قاتاڭ شارالار قابىلداپ، جىلدام ارەكەت ەتۋ قاجەتتىگىن كورسەتىپ وتىر، – دەدى وبلىس اكىمى.

شتاب وتىرىسىندا وبلىستىق باس مەملەكەتتىك سانيتاريالىق دارىگەر دينارا جاڭابەرگەنوۆا ىندەتپەن اۋىرعان ازاماتتاردىڭ ۇلەستىك كورسەتكىشى تۋرالى ايتىپ، كارانتيندىك شەكتەۋلەرگە سايكەس الگوريتمدىك تارتىپتە بەكىتىلگەن جۇمىستاردى سارالا­دى. سونداي-اق قوعامدىق تا­ماق­­­تا­نۋ، كوپشىلىك باراتىن نىسان، الەۋمەتتىك قىزمەت ەتەتىن مە­كە­­مەلەردە ساقتىق شارالارىن كۇشەيتۋ باعىتىندا قاۋ­لى­عا سايكەس اتقارىلاتىن جۇ­مىس­تار­دى اتاپ ءوتتى. وبلىستا كو­­رو­ناۆيرۋس ينفەكتسياسىن زەرت­­تەۋ­گە ار­نال­عان 10 زەرتحانا جۇ­­مىس ىس­تەيدى. وسى زەرتحانالار ار­­­­قىلى وتكەن جىلدان بەرى
279 622 سىناما الىنعان. اۋرۋعا شال­­­دىققانداردىڭ جاس شاماسى ءار­تۇرلى بولىپ وتىر، 20 مەن 69 جاس ارالىعىنداعى ازاماتتار اراسىندا ىندەت جۇقتىرۋ جيىلەپ تۇر.

وبلىستىق دەنساۋلىق ساقتاۋ باس­قارماسىنىڭ باسشىسى ءسابيت پا­زىلوۆ مەديتسينالىق ۇيىم­دار­دىڭ دايىندىعىن بايانداپ، ۆاك­­تسينالاۋدىڭ نەگىزگى كور­سەت­­كىشتەرىنە توقتالدى. وڭىر­دە ۆاك­تسي­­نالاردى ساقتايتىن 18 تو­ڭا­زىت­قىش جانە 179 تەرموكون­تەي­نەر جۇمىس ىستەيدى. ەكپەگە 14 كابينەت ازىرلەنىپ، 133 مەيىربيكە جانە 89 دۋبلەر جۇمىس ىستەۋدە. الداعى ۋاقىتتا قوسىمشا قالا­دا­عى «تەمىرجول» ەمحاناسى، «سەنىم»، «ينتەرتيچ» كلينيكالارى، «قىزىلوردا وبلىستىق كەڭەس بە­رۋ دياگنوستيكالىق ورتالىعى» جانە «اراي سيتي» ساۋدا ۇيىنەن ەگۋ پۋنكتەرى اشىلماق.

بۇگىندە ايماققا جەتكىزىلگەن
27 200 ۆاكتسينانىڭ بارلىعى مەدي­تسينالىق مەكەمەلەرگە تارا­تىلىپ بەرىلدى. ونىڭ I كومپو­نەنتى 10 678 ادامعا سالىنسا، II كومپونەنتىنەن 3 371 تۇرعىنعا ەكپە جاسالدى. جيىندا وبلىستىق مەديتسينالىق جانە فارماتسەۆتيكالىق قاداعالاۋ دەپار­تامەنتى باسشىسىنىڭ مىندە­تىن اتقارۋشى عاليما ءازىروۆا ءدارى-دارمەك قورىن مولاي­تۋ، دا­رى­لەر باعاسىنا مونيتورينگ جۇر­گىزۋ باعىتىنداعى شارا­لار جاي­لى ەسەپ بەردى. ال وبلىس­تىق پو­ليتسيا دەپارتامەنتى باستى­عى­نىڭ ءبىرىنشى ورىنباسارى شام­شي­دين ءاميتوۆ قوعامدىق ورىن­­داردا شوعىرلاندىرۋ دەرەك­تە­رىن بولدىرماۋ بويىنشا اتقا­رى­ل­عان جۇمىستاردى باياندادى. حا­بار­لا­مالاردان كەيىن وبلىس اكىمى ءدارى-دارمەك قورىن جاساقتاۋ با­عى­تىندا جۇمىستى ۇيلەستىرىپ، دا­رى­حانالارداعى قوردىڭ تۇراقتى باقىلاۋعا الىنۋى قاجەتتىگىن ەسكە سالدى.

وبلىس اكىمى جەدەل شتاب وتىرىسىنان كەيىن تاكەي ەسەتوۆ اتىنداعى №264 مەكتەپكە بارىپ، ءبىلىم وشاعىنداعى كاراتيندىك تا­لاپتاردىڭ ورىندالۋىن باقى­لا­دى. وسى وقۋ جىلىندا مەكتەپتە 3 602 وقۋشى ءبىلىم الۋدا. ەپيدەميالىق احۋالعا بايلانىس­تى 624 وقۋشى ءداستۇرلى،  2 978 بالا ونلاين فورماتتا وقىپ جاتىر. ايماق باسشىسى وقۋ­شى­لار اراسىندا كارانتيندىك تالاپ­تاردىڭ قاتاڭ ساقتالۋىن باقى­لاۋعا الىپ، ساقتىق شارا­لا­رىن قاتاڭداتۋ قاجەت­تىگىن ايت­تى. سونداي-اق الداعى كە­زەڭ­­دە وقۋ پروتسەسىن ونلا­ين با­عىت­تا ۇيلەستىرۋدى تاپ­سىر­­دى. مۇنان كەيىن وبلىس اكى­مى مە­دي­­تسينالىق نىسانداردى ارا­لاپ، بىرقاتار دارىحاناعا ارنا­يى باردى. №6 قالالىق ەمحانا جانىنداعى وبلىستىق ۆاكتسينا قويماسىنىڭ، كوروناۆيرۋس ينفەكتسياسىنا قارسى ەكپە جاسايتىن كابينەتتەردىڭ جۇمىسىن تەك­سەرىپ، تۇرعىندارمەن سويلەستى.

– ىندەت تولىعىمەن جويىلعان جوق. بۇگىندە بۇكىل الەم ۆاكتسينالاۋ عانا بارىمىزگە ۇيرەنشىكتى ومىرگە ورالۋعا مۇمكىندىك بەرەتىنىن ءتۇسىندى. وسىعان بايلانىستى بار­لىق يممۋنوپروفيلاكتيكا ما­سە­لەلەرى بويىنشا حالىقپەن جۇر­گىزىلەتىن اقپاراتتىق-ءتۇسىندىرۋ جۇ­مىستارىن كۇشەيتۋىمىز قاجەت، – دەدى گ.ابدىقالىقوۆا.

سونداي-اق وبلىس اكىمى ا.توق­ما­عانبەتوۆ كوشەسىندە ورنا­لاسقان «№1 ءدارىحانا»، «دوكتور پليۋس»، «ەۆروفارما» ءدارىحا­نا­لا­رى­نىڭ جۇمىسىن كوردى. وبلىستا ءدارى-دارمەك قورىن قالىپتاستىرۋ ماقساتىندا جەرگىلىكتى بيۋدجەتتەن 488 ملن تەڭگە ءبولىنىپ وتىر. سونىڭ 281،2 ملن تەڭگەسىنە 17 فارماتسەۆتيكالىق ۇيىم ارقىلى پرەپاراتتار الىندى. سونىڭ ءبىرى اباي داڭعىلى بويىندا ور­نا­لاس­قان Lab Servicy company يە­لى­گىندەگى «انسار» دارىحانالىق جەلىسى. وبلىس باسشىسى وڭىردە 14 جەلىسى بار كومپانيا باسشىسىنا دارىلىك زاتتاردىڭ قورىن قا­لىپتاستىرۋ باعىتىنداعى جۇ­مىس­تى كۇشەيتۋدى جۇكتەدى.

مەديتسينالىق نىسانداردى ارالاعاننان كەيىن وبلىس اكىمى دەنساۋلىق ساقتاۋ باسقارماسىنىڭ باسشىسى ءسابيت پازىلوۆ پەن وب­لىستىق باس مەملەكەتتىك ساني­تاريالىق دارىگەر دينارا جاڭا­بەر­گەنوۆاعا جەدەل ارەكەت ەتۋ ال­گوريتمىنە سايكەس حالىقتىڭ ساق­­تىق شارالارىن ساقتاۋىن قا­دا­­عالاۋ مەن ۆاكتسينالاۋ اياسىن ۇل­عايتىپ، ءموبيلدى دارىگەرلەر جۇ­مىسىن جانداندىرۋدى تاپسىردى.

 

قىزىلوردا وبلىسى

 

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار