قازاقستان مەن قىتاي اراسىنداعى ينۆەستيتسيالىق ءوزارا ءىس-قيمىلدى دامىتۋ ماقساتىندا قازاقستاننىڭ شانحايداعى باس كونسۋلدىعى «KAZAKH INVEST» ۇك» اق-نىڭ قحر-داعى وكىلدىگىمەن جانە شانحاي قالاسىنداعى قىتايدىڭ حالىقارالىق ساۋداعا جاردەمدەسۋ جونىندەگى كوميتەتىمەن بىرلەسىپ, شانحاي قالاسىندا قازاقستان-قىتاي ينۆەستيتسيالىق سەمينارىن وتكىزدى, ونىڭ جۇمىسىنا 20-دان استام قىتايلىق ۇيىمدار مەن كومپانيالاردىڭ وكىلدەرى قاتىستى.
قازاقستان-قىتاي سەمينارى بارىسىندا قاتىسۋشىلار قازاقستاننىڭ ينۆەستيتسيالىق كليماتىمەن جانە قر-داعى پەرسپەكتيۆالىق ينۆەستيتسيالىق جوبالارمەن تانىستى.
جالپى, قىتايلىق ۇيىمدار مەن كومپانيالاردىڭ وكىلدەرى قازاقستانمەن ءوزارا ءتيىمدى ىنتىماقتاستىققا زاتتىق قىزىعۋشىلىق تانىتىپ, كەلەشەكتە وسىنداي ءىس-شارالاردىڭ كوپتەپ ۇيىمداستىرىلاتىنىنا سەنىم ءبىلدىردى.
