بۇل جارىستا اسا اۋىر سالماقتا ايقاسقان يۋسۋپ باتىرمۇرزاەۆتىڭ فينالعا شىعىپ, وليمپيادا جولداماسىنا يەلىك ەتكەنى جايىندا بۇعان دەيىن دە حابارلاعان ەدىك.
يۋسۋپ باتىرمۇرزاەۆ شيرەك فينالدا كورەيالىق كيم دونگحۆاندى ويسىراتا ۇتىپ, جارتىلاي فينالدا ۇندىستاندىق ساميت ساميتكە سان سوقتىردى. وسىلايشا ول توكيوعا باراتىن بالۋانداردىڭ تىزىمىنە قوسىلدى. فينالدا يۋسۋپ موڭعوليالىق لحاگۆاگارەل مۇڭتۇردان باسىم ءتۇسىپ, باس جۇلدەنى ولجالادى. ال 86 كيلو سالماقتاعى ازامات داۋلەتبەكوۆ بۇل جارىستى قولا مەدالمەن قورىتىندىلادى.
ءسويتىپ, قازاقستاننىڭ ەركىن كۇرەس شەبەرلەرىنىڭ جەڭىپ العان جولدامالارى سانى بەسكە جەتتى. وتانداستارىمىزدىڭ اراسىنان ازىرگە تەك 86 كيلو سالماقتاعى بالۋاندار وسالدىق تانىتۋدا.
الماتىداعى تۋرنيردە كۇرەستىڭ بۇل تۇرىنەن وزبەكستان قۇراماسى تاماشا ونەر كورسەتتى. «الا تاقيالىلار» ءتورت ليتسەنزيانى ءوز قورجىندارىنا سالدى.
يراننىڭ اپايتوستەرىنىڭ ۇشەۋى جاپونياعا ساپار شەگەتىندەردىڭ ساناتىنا قوسىلدى. سونداي-اق, قىتايدىڭ ەكى جانە قازاقستان, قىرعىزستان, موڭعوليادان ءبىر-ءبىر ورەن سونداي قۇرمەتكە
