سپورت • 10 ءساۋىر، 2021

نۇرسۇلتان تۇرسىنوۆ الماتىداعى ءتۋرنيردىڭ جەڭىمپازى اتاندى

21 رەت كورسەتىلدى

الماتىداعى بالۋان شولاق اتىنداعى سپورت سارايىندا گرەك-ريم كۇرەسىنەن ازيا قۇرلىعى بويىنشا وتكەن وليمپيا ويىندارىنىڭ ليتسەنزيالىق ءتۋرنيرى اياقتالدى، دەپ حابارلايدى Egemen.kz

كەشە گرەك-ريم كۇرەسى شەبەرلەرى بوز كىلەمگە شىقتى. وسىدان ەكى جىل بۇرىن نۇر-سۇلتاندا وتكەن الەم چەمپيوناتىندا وليمپيادانىڭ العاشقى جولدامالارى ساراپقا سالىنعان بولاتىن. سول جارىستا 60 كيلو سالماقتاعى مەيرامبەك ايناعۇلوۆ پەن 77 كيلو سالماقتاعى اسحات دىلمۇحامەدوۆ كۇن شىعىس ەلىنە ساپار شەگەتىندەردىڭ ساناتىنا قوسىلعان ەدى. كەلەسى ىرىكتەۋ سىنىن الماتى قابىلدادى. ءوز ەلىمىزدە ءوتىپ جاتقان جارىستا قالعان ءتورت جولدامانى يەلەنۋ ءۇشىن ءبىزدىڭ بالۋاندار بارىن سالادى دەپ ۇمىتتەندىك. بىراق ۇكىلى ءۇمىتىمىز اقتالمادى. 67 كيلو سالماقتا بەلدەسكەن مەيىرجان شەرماحانبەت شەشۋشى سىندا شابىسىنان جاڭىلدى. الەم چەمپيوناتىنىڭ قولا جۇلدەگەرى دەگەن اتاعى بار قانداسىمىز ەسىمى كوپشىلىككە بەيمالىم قىرعىزستاندىق بالۋان مارلەن اسيكەەۆتەن ويسىراي ۇتىلدى. ەسەپ – 2:8.

97 كيلو سالماقتاعى ولجاس سىرلىباي مەن وڭتۇستىك كورەيانىڭ وكىلى سەيول لي اراسىنداعى سايىستا تەڭ ەسەپ تىركەلدى – 1:1. ەرەجە بويىنشا قوس بالۋان تەڭ تۇسكەن جاعادايدا سوڭعى ۇپايدى كىم السا، جەڭىس سونىڭ ەنشىسىنە جازىلادى. بۇل رەتتە ءليدىڭ باعى جاندى.

اسا اۋىر سالماقتا گەورگي تسۋرتسۋميا ايقاستى. جاسى 40-تان اسقان ارداگەر بالۋاننىڭ ۇلكەن سپورتتان قول ۇزگەنىنە 13 جىل بولدى. 2004 جىلى ونىڭ افينى وليمپياداسىندا كۇمىس مەدالدى يەلەنگەنىن جانكۇيەرلەر ۇمىتا قويعان جوق. ودان بولەك، تسۋرتسۋميانىڭ الەم چەمپيوناتىنىڭ قولا جۇلدەگەرى، ازيا ويىندارىنىڭ جەڭىمپازى، قۇرلىقتىڭ ءتورت دۇركىن چەمپيونى دەگەن اتاقتارى تاعى بار. ارادا 17 جىل وتكەننەن سوڭ ول قايتا وليمپيا ويىندارىندا كۇش سىناسۋدى ماقسات تۇتتى. بىراق جالىندى جاستار ساقا سپورتشىعا ونداي مۇمكىندىك بەرمەدى. العاشىندا كورەيالىق مينسوك كيمنەن، كوپ ۇزاماي قىتايلىق ليندزە مەنگتەن ۇتىلعان گەورگي جارىس جولىنان شىعىپ قالدى. وسىلايشا، ءۇش بالۋانىمىز الاش توپىراعىندا وتكەن جارىستا ءوز جانكۇيەرلەرىن جەرگە قاراتتى.

جەرلەستەرىمىزدىڭ اراسىنان نۇرسۇلتان تۇرسىنوۆتىڭ عانا جولى بولدى. شيرەك فينالدا ول جاپونيالىق ماساتو سۋميمەن شەبەرلىك بايقاستى. باسەكە بارىسىندا 0:3 ەسەبىمەن ۇتىلىپ جاتقان قازاق جىگىتى ەكىنشى كەزەڭدى جەڭىستى قارسىلاسىنىڭ ۋىسىنان ج ۇلىپ اكەتتى. جارتىلاي فينالدىق سايىستا دا جوعارىداعى جاعداي اينا-قاتەسىز قايتالاندى. ۇزىلىسكە دەيىن سۋشيل قۇمار قانداسىمىزدان ۇش ۇپاي وزىپ تۇردى. بۇل جاعداي نۇرسۇلتاننىڭ جىگەرىن جاسىتا العان جوق. ەكىنشى كەزەڭدە ءۇندى ەلىنىڭ وكىلىن تورتتاعاننان ج ۇلىپ العان ول وڭتايلى ءادىسىن جۇزەگە اسىردى. ناتيجەسىندە 9:5 ەسەبىمەن جەڭىسكە جەتكەن تۇرسىنوۆ توكيوعا باراتىنداردىڭ تىزىمىنە قوسىلدى. فينالدا قىتايلىق فەي پەنگ بوز كىلەمگە شىعۋدان باس تارتتى. وسىلايشا، نۇرسۇلتان تۇرسىنوۆ وليمپيادا جولداماسىمەن قوسا، التىن مەادلدى جەڭىپ الدى.

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار