وبلىستىق كاسىپكەرلەر پالاتاسىنىڭ ديرەكتورى مۇرات ابەنوۆتىڭ ايتۋىنشا, «Ashyq» جوباسى وڭىردەگى فيتنەس-كلۋب, سپا-ورتالىق, ساۋنا, باسسەين, كينوتەاتر, قوعامدىق تاماقتانۋ ورىندارى, كومپيۋتەر جانە بوۋلينگ كلۋبتارى سياقتى بيزنەس نىساندارىنىڭ كارانتين كەزىندە دە ەركىن جۇمىس ىستەي بەرۋىنە مۇمكىندىك بەرەدى.
– شەكتەۋ تالاپتارى كۇشەيگەن جاعدايدا جوعارىدا اتالعان بيزنەس نىساندارىنان باسقا كاسىپورىنداردا «Ashyq» ءموبيلدى قوسىمشاسىن پايدالانىمعا ەنگىزۋ ارقىلى ءوز جۇمىسىن جالعاستىرا الادى. ويتكەنى بۇل قوسىمشا بيزنەس نىساندارىن وڭىردەگى جالپى ەپيدەميالىق جاعدايعا تاۋەلدىلىكتەن قۇتقارادى. مىسالى, جامان ايتپاي جاقسى جوق, ەگەر وبلىس «قىزىل ايماققا» ەنەتىن بولسا, اتالعان جوباعا قاتىسقان كاسىپورىن «سارى ايماقتىڭ» تالاپتارى بويىنشا جۇمىس ىستەي الادى. ال ءوڭىر «سارى ايماققا» ەنگەن جاعدايدا, «جاسىل ايماق» شارتى بويىنشا قىزمەتىن جالعاستىرا بەرەدى. اتالعان جوبا ايماقتا ەرىكتى تۇردە ىسكە اسىرىلادى, ءبىز بيزنەستى دە, ازاماتتاردى دا جوباعا قاتىس دەپ ماجبۇرلەمەيمىز, – دەدى م.ابەنوۆ.
نۇر-سۇلتان, الماتى, قاراعاندى سياقتى ءىرى قالالار ءۇش ايدان بەرى «Ashyq» جوباسى بويىنشا قاناتقاقتى رەجىمدە جۇمىس ىستەپ جاتىر. پالاتا وكىلدەرىنىڭ ايتۋىنشا, وسى ۋاقىت ارالىعىندا جوبانىڭ ءبىرتالاي تەحنيكالىق كەمشىلىكتەرى انىقتالىپ, كوپشىلىك ءموبيلدى قوسىمشانى وڭاي قولدانا الاتىنداي ەتىپ جەتىلدىرىلگەن.
قوسىمشانى پايدالانۋ وتە وڭاي. ونى قولدانۋشى تەلەفونىنا جۇكتەپ الىپ, ءوزىنىڭ جەكە سايكەستەندىرۋ ءنومىرىن ەنگىزۋى قاجەت. ودان كەيىن كاسىپورىنعا نەمەسە بيزنەس نىسانى ورنالاسقان عيماراتقا كىرەردە نەمەسە ودان شىعاردا ەسىك الدىنا ىلىنگەن QR-كودتى سكانەرلەۋ كەرەك. ءموبيلدى قوسىمشا ازاماتتاردىڭ جەكە باسى تۋرالى مالىمەتتەرىنىڭ قولدى بولۋىنا مۇمكىندىك بەرمەيدى. تەك كوپشىلىك ورىندارعا بارعاندا قاۋىپتى ۆيرۋس جۇقتىرىپ الۋدان ساقتايدى. وبلىستىق كاسىپكەرلەر پالاتاسىنىڭ باسشىسى قوسىمشانىڭ قالاي جۇمىس ىستەيتىنىنە دەيىن ءتۇسىندىرىپ بەردى.
– ءموبيلدى قوسىمشا ارقىلى كوپشىلىك ورىنعا كەلگەن ازاماتتىڭ دەنساۋلىق ساقتاۋ مينيسترلىگىنىڭ جالپى بازاسىندا تىركەۋلى تۇرعان مارتەبەسى انىقتالادى. ياعني ءموبيلدى قوسىمشا الگى ادام ءدال وسى تۇرعاندا ۆيرۋس تاسىمالداۋشى ما, جوق پا دەگەن ساۋالدىڭ اق-قاراسىن ايىرىپ بەرەدى. قوسىمشا كورسەتەتىن مارتەبە تۇرلەرى ءتورت ءتۇستى. ماسەلەن, جاسىل ءتۇس كوپشىلىك ورىنعا كەلۋشىنىڭ سovid-19 پتر تەستىنەن وتكەنىن جانە تەست قورىتىندىسى تەرىس ناتيجە كورسەتكەنىنەن حاباردار ەتەدى. ياعني بۇل ادامعا ەسىك اشىق. كوك ءتۇس كەلۋشىنىڭ پتر تەستەن وتپەگەنىن, بىراق اينالاسىنا ەشبىر قاۋىپ توندىرمەيتىنىن بىلدىرەدى. سارى ءتۇس ازاماتتىڭ بۇعان دەيىن ناۋقاسپەن بايلانىستا بولعانىن كورسەتەدى. ال قوسىمشا قىزىل ءتۇستى كورسەتسە, بۇل عيماراتقا كىرەيىن دەپ تۇرعان ادام ۆيرۋس تاسىمالداۋشى دەگەندى بىلدىرەدى. ياعني بۇل جاعدايدا بيزنەس نىساندارى بۇعان دەيىن قابىلدانعان بەتپەردە تاعۋ, تەرمومەتريادان ءوتۋ, عيماراتتىڭ ءىشىن جەلدەتىپ تۇرۋ دەگەن سياقتى سانيتارلىق شارالاردىڭ ۇستىنە تاعى دا قوسىمشا ءارى سەنىمدى قاۋىپسىزدىك باقىلاۋمەن قامتاماسىز ەتىلەدى. وسىلايشا, كوپشىلىك ورىنداردا ۆيرۋس جۇقتىرۋ تاۋەكەلىن ايتارلىقتاۋ ازايتۋعا جول اشاتىن جوبا بيزنەس پەن قاراپايىم تۇرعىندار ءۇشىن الداعى ۋاقىتتا بولۋى ىقتيمال كارانتيندىك شەكتەۋلەردى وڭتايلاندىرۋعا مۇمكىندىك بەرەدى, – دەدى م.ابەنوۆ.
«Ashyq» جوباسىنا بيزنەس نىساندارى وزدەرى اينالىساتىن سالاداعى ەرەكشەلىكتەرگە بايلانىستى بيزنەس قاۋىمداستىقتارى مەن سانيتارلىق دارىگەرلەردىڭ ماقۇلداۋى ارقىلى قاتىساتىن بولادى.
قوستاناي وبلىسى
