ازىق-ت ۇلىك سەبەتى الدىمەن ماتەريالدىق كومەككە مۇقتاج ەرەكشە قاجەتتىلىگى بار بالالاردى تاربيەلەپ وتىرعان وتباسىلار مەن جالعىز باستى زەينەتكەرلەرگە جەتكىزىلەدى. ازىق-ت ۇلىك سەبەتىن الاتىن ادامداردىڭ ءتىزىمى جەرگىلىكتى اكىمدىكتەرمەن بىرلەسە وتىرىپ جاسالاتىن بولادى.
- COVID-19 پاندەمياسى ءالى بىتكەن جوق. ەل باسىنا قيىندىق تۇسكەن وسى قىسىلتاياڭ شاقتا, Eurasian Resources Group كارانتيندىك شارالار سالدارىنان ماتەريالدىق قيىندىقتارعا تاپ بولعان تۇرعىنداردى قولداۋدى جالعاستىرادى. كوپ بالالى انالارعا, زەينەتتەگى باتاگوي قاريالارىمىزعا زور دەنساۋلىق پەن باق-بەرەكە تىلەيمىز. ۇمىتتەرىڭىز اقتالىپ, ارماندارىڭىز ورىندالسىن! ىزگى امالدارىڭىز قابىل بولىپ, ماقساتقا جەتىڭىزدەر! ەلدەگى ىنتىماق پەن بەرەكەنى ساقتاۋ – بارشامىزعا ورتاق جاۋاپتى مىندەت! – دەدى «ەۋرازيالىق توپ» جشس باسقارما توراعاسى سەرىك شاحاجانوۆ.
مۇقتاج وتباسىلارعا ارنالعان ازىق-ت ۇلىك سەبەتى - ۇن, كۇرىش, قاراقۇمىق, ماكارون, سۇيىق ماي, بۇقتىرىلعان ەت, قانت-شاي, كامپيت سياقتى ەڭ قاجەتتى ونىمدەرگە تولى. ءار سەبەتتىڭ سالماعى 50 كيلو بولادى.
سەبەتتەردى ERG كاسىپورىندارىنىڭ ەرىكتىلەرى مەن جاستار كەڭەسىنىڭ وكىلدەرى تۇرعىنداردىڭ مەكەنجايىنا بارلىق سانيتارلىق قاۋىپسىزدىك تالاپتارىن مۇقيات ساقتاي وتىرىپ, جەتكىزىپ بەرەدى.
ەستەرىڭىزدە بولسا, تاۋەلسىزدىكتىڭ 30 جىلدىعىنا وراي «حالىق» قايىرىمدىلىق قورى «ەل تىرەگى – ەلباسى» اتتى ىزگى اكتسيانى باستاعان بولاتىن. شارانى وزگە دە قايىرىمدىلىق قورلارى, تانىمال كاسىپكەرلەر مەن ءىرى كومپانيالار ءىلىپ اكەتتى. تاياۋ كۇندەرى ەلىمىزدىڭ ءار وڭىرىندە تۇرىپ جاتقان مۇقتاج جاندارعا جالپى سانى 20 000-نان استام ازىق-ت ۇلىك سەبەتى جەتكىزىلمەك.
«حالىق» قايىرىمدىلىق قورى بيزنەس وكىلدەرى مەن قايىرىمدىلىق مەكەمەلەرىن يگى باستاماعا ات سالىسىپ, «ەل تىرەگى – ەلباسى» اكتسياسىن قولداۋعا شاقىرادى. شارانى جىل سوڭىنا دەيىن بىرنەشە مارتە وتكىزۋ جوسپارلانىپ وتىر.
ERG وسىمەن كەيىنگى 17 جىلدان بەرى وزىنە قاراستى وندىرىستىك كاسىپورىندار ورنالاسقان اقتوبە, قوستاناي, قاراعاندى جانە پاۆلودار وبلىستارىنىڭ اكىمدىكتەرىمەن كەلىسىلگەن مەموراندۋمدار اياسىندا اسا ماڭىزدى ءىرى الەۋمەتتىك جوبالاردى جۇزەگە اسىرىپ كەلەدى. ەۋرازيالىق توپ 2001-2020 جىلدار ارالىعىندا اتالمىش وڭىرلەرگە 280 ملرد تەڭگەدەن استام الەۋمەتتىك ينۆەستيتسيا قۇيعان.
