الماتىدا وتكەن ماتچتىڭ ءبىرىنشى كەزەڭىندە «تاراز» «قايراتتىڭ» قاقپاسىنا ەكى دوپ سوقتى. بۇل گولداردىڭ اۆتورلارى – پەدرۋ ەۋجەنيۋ مەن باۋىرجان بايتانا. الايدا ۇزىلىستەن كەيىن الماتىلىقتار قارقىنىن كۇرت كۇشەيتىپ, حوسە كانتە مەن ۆاگنەر لاۆ ءوز مۇمكىندىكتەرىن قالت جىبەرمەدى. ەسەپ – 2:2.
قوستانايدا «توبىل» «استانانىڭ» قابىلدادى. 31-مينۋتتا سەرگەي مالىي الاڭ يەلەرىن العا شىعاردى. وسى ەسەپتى ولار ۇزاق ۇستاپ تۇرعانىمەن, 83-مينۋتتا جاركو توماشەۆيچتىڭ ءدال سوققىسىنان كەيىن تارازى باسىن تەڭەستى – 1:1.
شىمكەنتتە «ورداباسى» مەن «اقجايىق» شەبەرلىك بايقاستى. 52-مينۋتتا پابلو فونتانەللو ءوز قاقپاسىنا گول سوعىپ, جەرگىلىكتى كوماندانى وتە قيىن جاعدايعا قالدىردى. دەسەك تە بۇل كەلەڭسىز جايت شىمكەنتتىك فۋتبولشىلارىنىڭ جىگەرىن جاسىتا العان جوق. تورەشى بەلگىلەگەن قوسىمشا ۋاقىتتا جوان پاۋلو 11 مەترلىك نۇكتەدەن نىسانانى ءدال كوزدەسە, كوپ كەشىكپەي ەركەبۇلان تۇڭعىشباەۆ مەرگەندىك تانىتتى – 2:1.
ءۇشىنشى تۋرداعى وزگە كەزدەسۋلەردە مىناداي ەسەپتەر تىركەلدى: «قىزىلجار» – «شاحتەر» 2:0, «اتىراۋ» – «اقتوبە» 1:3, «كاسپي» – «جەتىسۋ» 2:0 جانە «تۇران» – «قايسار» 1:1.
