«جىلدامدىقتى تىم اسىرعان RX300 جۇرگىزۋشىسى بەلگىسىز سەبەپپەن قارسى باعىتقا شىعىپ كەتىپ, Volkswagen Golf كولىگىن سوقتى. Lexus ونىمەن توقتاماي, قارسى باعىتتاعى جولدا كەلە جاتقان Pontiac Vibe كولىگىن ءبىر تۇيرەپ ءوتىپ, جىلدامدىعى باسىلماعان كۇيى Audi 100 كولىگىن قوسا سوقتى. قاتتى سوققىدان Audi اۋدارىلىپ قالدى. ودان كەيىن Lexus بارىپ Hyundai Accent كولىگىن سوعىپ, اۋدارىلعان», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
اپات سالدارىنان ءۇش ادام قازا تاپتى. «Audi» كولىگىندە وتىرعان جۇرگىزۋشى مەن مەن ونىڭ جولاۋشىسى وقيعا ورنىندا كوز جۇمدى.
كەيىنىرەك اۋرۋحانادا «Hyundai» جۇرگىزۋشىسى دە جان تاپسىردى. ال Lexus جۇرگىزۋشىسى مەن ونىڭ ەكى جولاۋشىسى ءتۇرلى دەنە جاراقاتتارمەن وتەگەن باتىر كەنتىندەگى اۋرۋحاناعا جاتقىزىلدى. اتالعان دەرەك قر قك 345-بابى, 4-بولىگى بويىنشا سوتقا دەيىنگى تەرگەۋ باستالدى. ءتيىستى ساراپتامالار تاعايىندالدى.تەرگەۋ بارىسىندا وقيعانىڭ ناقتى سەبەپتەرى مەن ءمان-جايى انىقتالادى.
