قوعام • 02 ءساۋىر، 2021

Nur Otan ازاماتتىق باستامالاردى قولدايدى – باۋىرجان بايبەك

58 رەت كورسەتىلدى

«Nur Otan» توراعاسىنىڭ ءبىرىنشى ورىنباسارى باۋىرجان بايبەك Facebook-تاعى پاراقشاسىندا بيلەۋشى پارتيانىڭ سايلاۋالدى ۋادەلەرىنىڭ ورىندالۋىن قالاي قامتاماسىز ەتەتىنى جايلى ايتتى، دەپ حابارلايدى Egemen.kz.

ونىڭ ايتۋىنشا، ەلباسى، پارتيا ليدەرى نۇرسۇلتان نازارباەۆتىڭ تاپسىرماسىمەن ءار ءوڭىر، قالا جانە اۋدان ءۇشىن «Nur Otan»-نىڭ 217 سايلاۋالدى باعدارلاماسىن ىسكە اسىرۋ بويىنشا ەگجەي-تەگجەيلى جول كارتالارى بەكىتىلىپ، وعان جاۋاپتى دەپۋتاتتار مەن ورىنداۋشىلار بەلگىلەنگەن. جىلدارعا جانە ناقتى ءىس-شارالارعا بولىنگەن 80 مىڭنان استام ينديكاتورعا قول جەتكىزۋ كوزدەلىپ وتىر. ەل پرەزيدەنتى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا پارتيا قوعامدىق كەڭەستەرىنىڭ جۇمىسى جۇيەلى تۇردە قايتا قۇرىلىمداندى.

«ساياسي كەڭەس بيۋروسىنىڭ شەشىمىمەن تاراتىلعان پارتيالىق كۋراتورلار ينستيتۋتىنىڭ ورنىنا «Nur Otan»-نىڭ سايلاۋالدى باعدارلاماسىنىڭ ناقتى باعىتتارىنىڭ ىسكە اسىرىلۋىن باقىلاۋ بويىنشا 14 رەسپۋبليكالىق قوعامدىق كەڭەس قۇرىلدى. پارتيا ليدەرىنىڭ العا قويعان مىندەتتەرىن ەسكەرە وتىرىپ، ەڭ الدىمەن پارتيانىڭ سايلاۋالدى ۋادەلەرىنىڭ ورىندالۋىنا جۇيەلى باقىلاۋ، بيۋدجەت قاراجاتىنىڭ ءتيىمدى جانە اشىق جۇمسالۋىنا مونينتورينگ جاساۋ قامتاماسىز ەتىلەدى. كەڭەستەردىڭ مىندەتىنە ەلدىڭ، وڭىرلەر مەن ەكونوميكانىڭ ناقتى سالالارىنىڭ وزەكتى باعىتتارى بويىنشا بالاما ساراپتامالىق پايىمدى تۇجىرىمداۋ كىرەدى. كەڭەستەردىڭ جۇمىسى قوعامدىق پىكىردى ەسكەرىپ، سونداي-اق پارتيانىڭ قوعامدىق قابىلداۋ بولمەلەرىنە ەل كولەمىندە ازاماتتاردان تۇسكەن وتىنىشتەرگە جاسالعان تالداۋعا نەگىزدەلە وتىرىپ، جاريا تۇردە جۇرگىزىلەدى»، دەدى پارتيا توراعاسىنىڭ ءبىرىنشى ورىنباسارى.

سونىمەن قاتار باۋىرجان بايبەك «Nur Otan» كەڭەستەرىنىڭ الدىندا ساراپشىلار قاۋىمداستىعىن وزەكتى الەۋمەتتىك ماسەلەلەردى اشىق تالقىلاۋعا تارتۋ، سونداي-اق ازاماتتىق باستامالارعا قولداۋ كورسەتۋ مىندەتى تۇرعانىن دا اتاپ ءوتتى.

«قازىرگى كەزدە اتالعان كەڭەستەردىڭ قۇرامىن جاساقتاۋ بويىنشا قارقىندى جۇمىس جۇرگىزىلىپ جاتىر. ولاردىڭ قۇرامىنا پارتيا دەپۋتاتتارى مەن بەلسەندى مۇشەلەرىنەن بولەك، ۇكىمەتتىك ەمەس ۇيىمداردىڭ وكىلدەرى، ساراپشىلار، جالپى قوعامدىق پىكىر كوشباسشىلارى جانە باسقا دا ازاماتتار كىرەدى. وسىنداي كەڭەستەر وڭىرلىك دەڭگەيدە دە قۇرىلماق. سوندىقتان بۇعان مۇددەلى بارشا ازاماتتىق قوعام وكىلدەرىن، بەلسەندىلەردى جانە قوعام ومىرىنە بەيجاي قارامايتىن ازاماتتاردى شىنايى ىنتىماقتاستىققا شاقىرامىز. اۋىزبىرشىلىك پەن جاۋاپكەرشىلىك تانىتىپ، اشىق پىكىرالىسۋ اياسىندا ارەكەت ەتۋ ارقىلى عانا ءبىز مەجەلەگەن جوسپارلارىمىزدىڭ بارلىعىن ىسكە اسىرامىز»، دەدى ول.

45

پارتيا ءباسپاسوز قىزمەتىنىڭ اقپاراتى بويىنشا، بۇگىن «Nur Otan» پارتياسى توراعاسىنىڭ ءبىرىنشى ورىنباسارى جاڭادان قۇرىلعان 14 كەڭەستىڭ جاڭا توراعالارىمەن ونلاين-فورماتتا كەزدەسۋ وتكىزدى.

ش

ساياسي كەڭەس بيۋروسىنىڭ شەشىمىمەن اتالعان كەڭەستەرگە پارلامەنت ماجىلىسىندەگى فراكتسيانىڭ كەلەسى دەپۋتاتتارى تاعايىندالدى: ازاماتتىق قوعام مەن مەملەكەتتىك باسقارۋدى دامىتۋ بويىنشا – ايدوس سارىم، ءبىلىم مەن عىلىم – جۇلدىز سۇلەيمەنوۆا، اگرارلىق سەكتور – بەرىك وسپانوۆ، ەكونوميكا جانە كاسىپكەرلىكتى قولداۋ – امانجان جامالوۆ، وڭىرلىك دامۋ – يۋليا كۋچينسكايا. جاستاردى قولداۋ بويىنشا –  ءمادي احمەتوۆ، جۇمىسپەن قامتۋ مەن حالىقتىڭ الەۋمەتتىك وسال توپتارى جونىندەگى قوعامدىق كەڭەسكە – ەلنۇر بەيسەنباەۆ توراعا بولدى. ۇلت دەنساۋلىعى بويىنشا – لاريسا پاۆلوۆەتس، ال وتباسى، ايەلدەر جانە بالالاردىڭ قۇقىقتارىن قورعاۋ ماسەلەلەرى جونىندەگى كەڭەسكە – دينارا زاكيەۆا باسشىلىق جاسايدى. سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەسكە، «Miras»، ەكولوگيالىق جانە قۇقىقتىق كەڭەستەرگە تيىسىنشە ەرلان سايروۆ، جاناربەك ءاشىمجانوۆ، ەلدوس اباقانوۆ جانە قانات مۋسين جەتەكشىلىك ەتەدى. 

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار