«1918 جىلدىڭ ناۋرىز ايىنان باستاپ ەكى اي بويى ارميان داشناك قارۋلى توپتارى ازەربايجان ايماقتارىندا ون مىڭداعان بەيبىت حالىقتى ەتنيكالىق جانە ءدىني بەلگىلەرىنە قاراي قىرعىنعا ۇشىراتىپ, ەلدى مەكەندەردى, تاريحي-مادەني ەسكەرتكىشتەر مەن مەشىتتەردى قيراتتى. وكىنىشكە وراي, ولاردىڭ ادامگەرشىلىككە جات بۇل ءىس-ارەكەتتەرى حالىقارالىق دەڭگەيدە قۇقىقتىق تۇرعىدان قاراستىرىلىپ, ايىپتالمادى. سونىڭ ناتيجەسىندە جىلدار وتكەننەن كەيىن حودجالى جانە باسقا دا ايماقتاردا وسىنداي قىلمىستار قايتا جاسالدى.
تاريحتىڭ ءارتۇرلى كەزەڭدەرىندە ازەربايجاندىقتارعا قارسى جاسالعان مۇنداي قانتوگىس قىرعىندارعا الەم قاۋىمداستىعىنىڭ نازارىن اۋدارۋ ماقساتىندا ازەربايجان حالقىنىڭ جالپىۇلتتىق كوشباسشىسى گەيدار اليەۆ 31 ناۋرىزدا ازەربايجاندىقتاردىڭ گەنوتسيدكە ۇشىراعان كۇنى دەپ جاريالاعان بولاتىن.
حالىقارالىق تۇركى اكادەمياسى اتىنان 31 ناۋرىز – قىرعىنىنىڭ قۇرباندارىن قايعىرىپ ەسكە الامىز, باۋىرلاس ازەربايجان حالقى مەن مەملەكەتىنە قولداۋىمىزدى بىلدىرەمىز, مۇنداي ادامگەرشىلىككە جات ارەكەتتەردىڭ ەندى قايتىپ ورىن الماۋى, بەيبىتشىلىك پەن تىنىشتىقتىڭ ساقتالۋى ءۇشىن الەم قاۋىمداستىعىن وسى وقيعالارعا قاتىستى ءادىل ۇستانىمدا بولۋعا شاقىرامىز», دەدى حالىقارالىق تۇركى اكادەمياسى پرەزيدەنتى دارحان قىدىرالى.
