ال اكەسى حايميش پولستىڭ ايتۋىنشا, ونىڭ وتباسى اتىراۋعا 2017 جىلى كوشىپ كەلىپتى. ءوزى وسىنداعى شەتەلدىك كومپانيادا جۇمىس ىستەيدى.
– رادەكتىڭ مۋزىكاعا قۇشتارلىعىن بايقاپ, دومبىرا تارتۋدى ۇيرەنگەنىن قالادىق. ءبىز قاي ەلدە تۇرساق, سول ەلدىڭ مادەنيەتىنە قىزىعۋشىلىق تانىتامىز. سول سەبەپتەن, ۇلىما دومبىرا ساتىپ الىپ بەردىم, – دەيدى حايميش پولس.
شەتەلدىك جاسوسپىرىمگە دومبىرا تارتۋدى ۇستازى جاڭىلحان عالىمقىزى ۇيرەتىپتى. ونىڭ سوزىنشە, رادەك دەمالىس كۇندەرى ءبىر, نە ەكى رەت دومبىرا ۇيرەنۋگە كەلىپ تۇرعان. وسىلاي 6-7 ايدا دومبىرا شەرتۋدى مەڭگەرىپ العان. قازىر 4-5 كۇيدى جاڭىلماي ورىندايدى. اسىرەسە, قۇرمانعازىنىڭ شىعارمالارىن ورىنداعاندى ۇناتادى. سونىڭ ىشىندە «اداي» مەن «كەلىنشەك» كۇيلەرى بار.
– بىلتىرعى ساۋىردە پاندەمياعا بايلانىستى پولشاعا بارىپ, قازاقستانعا قايتا ورالا المادىق. قازاقستاندا كوپ دوستارىم بار. ولارمەن ءجيى بايلانىسىپ تۇرامىن. دومبىرا تارتۋدى ۇيرەتكەن ۇستازىمنان ءار جەكسەنبى سايىن Skype ارقىلى ءدارىس الىپ ءجۇرمىن. پولشادا قازاقتىڭ ۇلى اقىنى ابايدىڭ «كوزىمنىڭ قاراسى» تۋىندىسىن ۇيرەندىم. قازىر شەتەلدىكتەرگە دومبىرانىڭ شىعۋ تاريحىن تانىستىرىپ, قازاقتىڭ كۇيلەرىن ورىنداپ بەرەمىن, – دەيدى رادەك.
اتىراۋ وبلىسى
