ەل كولەمىندە جۇزەگە اسىرىلىپ جاتقان ايتۋلى جوباعا بۇگىندە سپورت, داعدى مەن دارىن, كىتاپ وقۋ, ۇلتتىق مۇرا, تۋريستىك ساياحاتتار جانە ەڭبەك تاجىريبەسى باعىتتارى بويىنشا 14 پەن 29 جاس ارالىعىنداعى 8600 تالاپكەر قاتىسىپ جاتىر.
جوعارىدا اتالعان جەتى باعىت بويىنشا ەلەۋلى جەتىستىككە جەتكەن 17 دارىندى وقۋشىعا ەلباسى مەدالىن وبلىستىق ءبىلىم باسقارماسىنىڭ باسشىسى زاۋرە بايمەنوۆا تابىس ەتتى. دارىندى شاكىرتتەردى ماراپاتتاۋ ءراسىمى 29-ناۋرىز كۇنى «وزات» اقپاراتتىق تەحنولوگيالار مەكتەپ-ليتسەيىندە ءوتتى.
«وبلىستا بارلىق وقۋشىلار ءۇشىن تەڭ باستاما مۇمكىندىكتەردى قۇرۋ مىندەتى شەشىلۋدە. «ەلباسى مەدالى» ءبىزدىڭ جاستارىمىز ءۇشىن تابىس پەن ءوزىن-ءوزى ىسكە اسىرۋ جولىنداعى ماڭىزدى قادام بولماق», - دەدى ماراپات يەلەرىنىڭ ءبىلىم مەن عىلىم جولىنداعى ىزدەنىستەرىنە ساتتىلىك تىلەگەن باسقارما باسشىسى.
سالتاناتتى جيىندا وقۋشىلارمەن قاتار,«پسيحولوگيالىق قولداۋ جانە قوسىمشا ءبىلىم بەرۋ وڭىرلىك ورتالىعىنىڭ» ديرەكتورى ەلەنا پەترەنكو, قوستاناي قالاسى بالالار مەن جاسوسپىرىمدەردىڭ تەحنيكالىق شىعارماشىلىق مەكتەبى ديرەكتورىنىڭ وقۋ-تاربيە جۇمىسى جونىندەگى ورىنباسارى ناتاليا زۋبكو, قوستاناي اۋدانى بالالار شىعارماشىلىق ءۇيىنىڭ قوسىمشا ءبىلىم بەرۋ پەداگوگى لءايلا وسپانوۆا سىندى ۇستازدار قوسىمشا ءبىلىم بەرۋ سالاسىنداعى ەرەكشە قىزمەتى ءۇشىن ماراپاتتالدى.
قوستاناي وبلىسى
