– مەملەكەت تاراپىنان بولىنەتىن جاردەماقىلار, الەۋمەتتىك كومەكتەردەن بولەك جىل سايىن قايىرىمدىلىق اكتسيالارى ۇيىمداستىرىلىپ وتىرادى. بىلتىر كومەككە مۇقتاج 14 مىڭنان استام وتباسىنا 161 ملن تەڭگەنىڭ ازىق-ت ۇلىگى جانە تۇرمىسقا قاجەتتى زاتتار بەرىلدى. ال بيىل «قايىرىمدى ىستەر مارافونى» جوباسى اياسىندا 1000-نان استام وتباسىنا كومەك كورسەتىلدى. جاقىندا وڭىرىمىزدە رەسپۋبليكالىق «حالىق» جانە «بەرەكە» قايىرىمدىلىق قورلارىنىڭ باستاماسىمەن جۇزەگە اساتىن «حالىق بەرەكەسى» الەۋمەتتىك جوباسىنىڭ تانىستىرىلىمى ءوتتى. بۇل جوبا كومەككە مۇقتاج وتباسىلاردى داعدارىس جاعدايىنان شىعارۋعا مۇمكىندىك بەرەدى. قازىر ۇيلەستىرۋ جۇمىستارى جۇرگىزىلۋدە, – دەيدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى گاۋحار قالماقوۆا.
وڭىردە بەلسەندى ازاماتتاردىڭ باستاماسىمەن ءتۇرلى دەڭگەيدەگى الەۋمەتتىك جوبالار ىسكە اسىپ, مۇقتاجدارعا كومەكتەر كورسەتىلىپ كەلەدى. ايتالىق, 2019 جىلى وبلىس اكىمدىگىنىڭ باستاماسىمەن «بولات وتەمۇراتوۆ قورى» قاراجاتى ەسەبىنەن 100 وتباسى تۇرعىن ۇيمەن قامتىلعان.
بىلتىر جەكە شارۋاشىلىق جانە كاسىپورىندار كومەگىنە سۇيەنگەن جاستار بىرلەستىكتەرى باستاماسىمەن اسارلاتىپ ۇيلەر سالىنىپ, از قامتىلعان كوپ بالالى 20 وتباسى باسپاناعا قول جەتكىزدى.
قىزىلوردا
