وسى سالاداعى ەڭ العاشقى مەتەوستانسا 1848 جىلى سىر بويىنداعى قازالى قالاسىندا اشىلعان. اراعا 6 جىل سالىپ سەمەيدە, ال 1859 جىلى الماتى قالاسىندا وسىنداي ورتالىقتار جۇمىسىن باستاپتى.
ەڭ قىزىعى, قازالىداعى مەتەورولوگيالىق ستانسا 173 جىلدان بەرى ءۇزىلىسسىز جۇمىس ىستەپ كەلەدى. 1907-1942 جىلدارى ورتالىققا اننا بلان دەگەن مامان باسشىلىق جاساپ, ءار جىلدارى اعا گيدرومەد-باقىلاۋشى ۆارۆارا مياسنيكوۆا, تەحنيك-اگرومەتەورولوگ ۆالەنتينا گارينا, گيدرومەد-باقىلاۋشى انتونينا پانكيەۆا, تەحنيك-گيدرولوگ گەلسەم يارتسەۆا, گيدروپوست باقىلاۋشىسى الەكساندر يۆانوۆيچ فەدوروۆتەر ەلگە قىلاۋسىز قىزمەت ەتىپتى. وتكەن عاسىردىڭ 50-90 جىلدارى ارالىعىندا مەكەمەنى باسقارعاندار ەسىمى قۇرمەتپەن اتالادى.
ەلiمiز تاۋەلسiزدiك العان تۇستارى مەكەمە جاڭاشا جۇمىس ىرعاعىنا كوشتى. سول جىلدارى جەرگىلىكتى مامان قۇتتىباي تارعىنوۆ باسقارعان «قازالى اۋا رايىن باقىلاۋ» ستانساسى ۇلگiلi قىزمەتi ءۇشiن 2005 جىلدىڭ شiلدە ايىندا جەنەۆا كليمات باقىلاۋ ورتالىعىنىڭ قۇرمەت گراموتاسىنا يە بولدى. مارتەبەلى ماراپاتقا جەتۋ جولىندا ستانسا قىزمەتكەرلەرi ي.ارەنت, ت.سۇلتانمۇراتوۆ, ن.سۇلتانمۇراتوۆانىڭ قوسقان ۇلەسi مول بولدى.
مەكەمەنi 2008-2011 جىلدارى قازيحان سەرداليەۆ باسقارسا, ون جىلدان بەرى ساۋلە وسپانوۆا باسشىلىق جاساپ كەلەدi. ستانسا كەشەنiندە اتموسفەرانىڭ جانە جەرۇستiنiڭ جاعدايىن باقىلاۋعا ارنالعان مەتەورولوگيالىق الاڭ مەن باقىلاۋ ناتيجەلەرiن الاتىن, وڭدەيتiن جانە بەرەتiن اسپاپتارمەن جابدىقتالعان ورىندار بار.
وسى قۇرالدار ارقىلى ماماندار مەتەورولوگيالىق قۇبىلىستاردىڭ بەلگiلi بiر مەرزiم iشiندە وزگەرۋiن, اۋانىڭ ىلعالدىلىعى مەن تەمپەراتۋراسىن, جەلدiڭ باعىتى مەن جىلدامدىعىن, اتموسفەرالىق قىسىمدى, بۇلتتىڭ پiشiنi مەن سانىن, قاردىڭ كولەمiن, جاۋىن-شاشىن مولشەرi مەن سۋ دەڭگەيiن, ماۋسىمدىق سۋدىڭ تەمپەراتۋراسىن باقىلايدى. سىرداريا وزەنiندەگi سۋدىڭ شىعىنىن, قىستى كۇنi مۇزدىڭ قالىڭدىعىن, كۇن شۇعىلاسىنىڭ ۇزاقتىعىن انىقتايدى. باقىلاۋ 3 ساعات سايىن جۇرگiزiلiپ تۇرادى. وسىدان الىنعان مالiمەتتەر «قىزىلوردا گيدرومەتەورولوگيالىق ورتالىعىنا» جiبەرiلەدi.
مەتەرەولوگتەر جۇمىسى بارلىق سالاعا تىكەلەي قاتىستى. اسىرەسە اۋىل شارۋاشىلىعى, اۋە تاسىمالى ەڭ الدىمەن وسى كۇن رايىن باعدارلايتىنداردىڭ بولجامىنا جۇگىنەدى. سونىمەن قاتار مەتەورولوگتەر مالىمەتىنىڭ توتەنشە جاعدايلاردىڭ الدىن الۋدا دا ماڭىزى جوعارى.
قىزىلوردا
