ۇيىمداستىرۋشىلاردىڭ ايتۋىنشا, باستى ماقسات بەيبىتشىلىك پەن دوستىق مەرەكەسى ناۋرىز ناقىشىن بي تىلىمەن بەدەرلەۋ جانە قازاقتىڭ ۇلتتىق ءبيىن ناسيحاتتاۋ بولىپ تابىلادى. حالىقارالىق حورەوگرافيالىق فەستيۆالعا الىس-جاقىن شەتەلدەن 25-كە جۋىق بي توبى قاتىسۋدا. ولاردىڭ ىشىندە ء ىرى حالىقارالىق بايقاۋلاردا ۇزدىك تانىلىپ جۇرگەن «شاشۋ» (نۇر-سۇلتان), «كارناۆال» (قوستاناي), «نەۆسكيە زوري» (سانكت-پەتەربۋرگ), «كالينكا» (ماسكەۋ) «ەرالاش» (چەليابى), «بيسەرينكي» (تاتارستان), «يۋنوست» (كيەۆ), «زۋبرەنوك» (مينسك), «مۋش» (ەرەۆان), «جەمچۋجينا» (وزبەكستان), «تابارىك» (قىرعىزستان), «سالاۆات» (ۋفا) سياقتى كاسىبي ونەر ۇجىمدارى بار.
ناۋرىز بي فەستيۆالى بارىسىندا ءاربىر انسامبل ەكى-ەكى بيدەن كورسەتۋى شارت: الدىمەن وزدەرى قالاعان ءبيدى, ودان كەيىن قازاقتىڭ ۇلتتىق بيلەرىنىڭ ءبىرىن بيلەيدى.
اۋقىمدى شارانىڭ اشىلۋ راسىمىندە وبلىستىق مادەنيەت باسقارماسىنىڭ باسشىسى ەرلان قالماقوۆ قۇتتىقتاۋ ءسوز سويلەپ, فەستيۆالگە قاتىسۋشىلارعا ساتتىلىك تىلەدى. «ەلباسى نۇرسۇلتان نازارباەۆ «رۋحاني جاڭعىرۋ» اتتى باعدارلاماسىندا رۋحاني قۇندىلىقتاردى جاڭعىرتۋ, ۇلتتىق بىرەگەيلىكتى, ۇلتارالىق مادەنيەت پەن تاتۋلىقتى ساقتاۋ, ەلىمىزدە تۇرىپ جاتقان بارلىق ەتنوستاردىڭ ۇلتتىق شىعارماشىلىق داستۇرلەرىن دارىپتەۋ تۋرالى اتاپ وتكەن بولاتىن. سوندىقتان بي فەستيۆالى اياسىندا حالىق بيلەرى ايشىقتالىپ, كوپشىلىك كورەرمەن جۇرەگىنەن ورىن الادى دەپ سەنەمىن. «ناۋرىز دوستارىن شاقىرادى» توبىل وڭىرىندە جىل سايىن ۇلىستىڭ ۇلى كۇنى قارساڭىندا وتەتىن ءداستۇرلى فەستيۆالگە اينالدى. باستى ماقسات - ناۋرىز مەرەكەسىنە وراي, وبلىسىمىزداعى, ەلىمىزدىڭ باسقا وڭىرلەرىندەگى جانە شەت مەملەكەتتەردەگى ءبيشى ونەرپازداردىڭ باسىن قوسىپ, ولاردىڭ ءوزارا تاجىريبە الماسۋىنا مۇمكىندىك تۋعىزۋ. مۇنداي فەستيۆال بي ونەرى سالاسىندا وتە سيرەك وتەدى», دەدى باسقارما باسشىسى.
«ناۋرىز دوستارىن شاقىرادى» فەستيۆالىن الەۋمەتتىك جەلى ارنالارى ارقىلى تمد-نىڭ ون شاقتى مەملەكەتىنەن ون مىڭداعان جانكۇيەر تاماشالاپ وتىر. ارقايسى وزدەرىنىڭ قالاۋلى بي انسامبلدەرىنە داۋىس بەرىپ, قولداۋ كورسەتۋدە. شارت بويىنشا, ەڭ كوپ داۋىس جيناعان بي توبى باعالى سىيلىقتارمەن ماراپاتتالادى.
قوستاناي وبلىسى
