فورۋمعا قر بجعم-ءنىڭ جانە ايماقتىق ءبىلىم باسقارمالارىنىڭ وكىلدەرى, «بوبەك» ۇعببسو-نىڭ جانە ادامنىڭ ۇيلەسىمدى دامۋى ۇلتتىق ينستيتۋتىنىڭ قىزمەتكەرلەرى, شەتەلدىك سەرىكتەستەر, عالىمدار, مەكتەپكە دەيىنگى ءبىلىم بەرۋ, ورتا ءبىلىم بەرۋ مەكەمەلەرىنىڭ, تجكب جانە جوعارى وقۋ ورىندارىنىڭ باسشىلارى مەن ءوزىن-ءوزى تانۋ ءپانىنىڭ مۇعالىمدەرى, اتا-انالار مەن ستۋدەنتتەر قاتىستى.
«بوبەك» ۇعببسو-نىڭ باس ديرەكتورى ەلەنا ساكەنوۆا العى ءسوز سويلەۋ بارىسىندا سارا الپىسقىزى نازارباەۆانىڭ, قر ءبىلىم جانە عىلىم ءمينيسترى اسحات قانات ۇلى ايماعامبەتوۆتىڭ جانە قر ءبىلىم جانە عىلىم ۆيتسە-ءمينيسترى بيبيگۇل امانگەلدىقىزى اسىلوۆانىڭ قۇتتىقتاۋ سوزدەرىن وقىپ بەردى. ول شالۆا اموناشۆيلي ءوز ءومىرى جانە شىعارماشىلىعىمەن پەداگوگيكالىق قاۋىمداستىقتا رۋحاني گۋمانيزم يدەيالارىن راستايتىنىن اتاپ ايتتى. ء«سىز ادامدارعا, ەڭ ماڭىزدى, ماڭگىلىك, قۇندىلىق تۋرالى ويلانۋعا يتەرمەلەيتىن, ناقتى ءبىلىم بەرەسىز. ءسىزدىڭ تالپىنىسىڭىزدىڭ بيىكتىگى, ناقتى ۇستازدىڭ باتىلدىلىعى, ءسىزدىڭ دانالىعىڭىز بەن رۋحاني تەرەڭدىگىڭىز, ءسىزدىڭ كىتاپتارىڭىز بەن مۇعالىمدىك قىزمەتتىڭ ءمانى تۋرالى ساباقتارىڭىز, جۇرەك جومارتتىلىعى ءارى ءسىزدىڭ جەكە تۇلعاڭىزدىڭ ماگنەتيزمى ءبىزدى ءوزىن-ءوزى تانۋعا, ءوزىن-ءوزى جەتىلدىرۋگە شاقىرادى», دەپ, جىلى لەبىزىن ءبىلدىردى.
سونداي-اق گۋماندىق پەداگوگيكانىڭ اۆتورىن مەرەيتويىمەن ء«اۇدۇي» كەاق پرەزيدەنتىنىڭ مىندەتىن اتقارۋشى يرينا كالاچەۆا, «اتا-انالار قامقورلىعى» حالىقارالىق قوزعالىسىنىڭ ءتورايىمى, ح.ع.ك. كلارا مانسۋروۆا (رەسەي), پ.ع.د., پروفەسسور, رببا مۇشە-كوررەسپوندەنتى, داعىستان مەملەكەتتىك پەداگوگيكالىق ۋنيۆەرسيتەتىنىڭ تۇزەتۋ پەداگوگيكا جانە ارنايى پسيحولوگيا كافەدراسىنىڭ مەڭگەرۋشىسى دجافار ماللاەۆ (رەسەي) جانە ء«وزىن-ءوزى تانۋ» گيمنازياسىنىڭ ديرەكتورى ەلەنا لوسەۆا قۇتتىقتادى.
ءوز كەزەگىندە حالىقارالىق گۋماندىق پەداگوگيكا ورتالىعىنىڭ پرەزيدەنتى, اكادەميك, پروفەسسور, عىلىم دوكتورى ش. ا. اموناشۆيلي جانە پسيحولوگيالىق عىلىمدار دوكتورى, «باستي بۋبۋ» بالالارعا ارنالعان مەكتەپكە دەيىنگى مەكەمەنىڭ سوتسيولوگى ءارى پەداگوگى پ. ش. اموناشۆيلي فورۋمعا قاتىسۋشىلارعا العىستارىن ءبىلدىرىپ, دەنساۋلىق, جاقسىلىق مەن ساتتىلىك تىلەدى.
فورۋم بارىسىندا ء«اۇدۇي» كەاق-نىڭ عىلىمي حاتشىسى گ. ي. قاليەۆا, ء«اۇدۇي» كەاق-نىڭ ءبىلىم بەرۋ قىزمەتى جانە ادىستەمەلىك قامتۋ بويىنشا دەپارتامەنتىنىڭ ديرەكتورى گ. ءۇ. ساعىمباەۆا, ء«اۇدۇي» كەاق-نىڭ عىلىمي-ادىستەمەلىك ءبولىمىنىڭ باستىعى ب. ش. اليەۆ جانە تاعى باسقالار باياندامالارىن ورتاعا سالدى.
فورۋمعا قاتىسۋشىلار نازارىنا «بوبەك» ۇعببسو-نىڭ تاربيەلەنۋشىلەرىنىڭ شىعارماشىلىق نومىرلەرى ۇسىنىلدى.
