«قۇرىلىسى ۇزاققا سوزىلعان نىساندار قالانىڭ ەستەتيكالىق كەلبەتىن بۇزادى, جاڭا نىسانداردى سالۋ كەزىندە دە بەلگىلى پروبلەمالار تۋعىزادى. ءاربىر نىساننىڭ ءوز تاريحى بار, بۇل - ادامداردىڭ تاعدىرى. وسى جىلدار ىشىندە پاتەرىن كۇتىپ جۇرگەن ۇلەسكەرلەردىڭ بالالارى ءوستى, نەمەرەلەرى پايدا بولدى, وكىنىشكە قاراي, پاتەرىن كورمەي كەتكەندەرى دە بار.
مەملەكەت باسشىلىعىنىڭ تاپسىرماسىنا سايكەس ۇلەستىك قۇرىلىس وبەكتىلەرىن اياقتاۋ بويىنشا جۇيەلى ءارى اۋقىمدى جۇمىستار جۇرگىزۋدەمىز. وسىنداي نىساننىڭ ءبىرى - «شىعىس». قۇرىلىسى ۇزاققا سوزىلعان «شىعىس» تۇرعىن ءۇي كەشەنى بىرنەشە توپتان تۇرادى. ۇلەسكەرلەردىڭ جالپى سانى - 2 مىڭنان استام وتباسى. بۇگىن وسى نىسانعا باردىم. بۇل - «شىعىس» توبىنىڭ 1ا, 1ۆ, 2ا, 2ۆ, 3ا, 3ب, 4ا ء(بىرىنشى كەزەگى) بلوكتارى.
بارلىق بلوكتارعا قارجى ءبولىندى, قارجىلىق جانە تەحنيكالىق اۋديت جۇرگىزىلدى. تەحاۋديت قاۋىپسىزدىكتى قامتاماسىز ەتۋ ءۇشىن وتە ماڭىزدى: ءۇيدىڭ ىرگەتاسى مەن جاقتاۋىنىڭ بەرىكتىگىن تەكسەرۋ قاجەت بولدى جانە ت. ب. بارلىق بلوكتار بويىنشا مەردىگەرلەر انىقتالدى.
مىسالى, 1ا جانە 1ۆ بلوكتارىندا قاسبەتتىك جۇمىستار جۇرگىزىلدى, ليفتىلەر مەن تەرەزەلەر ورناتىلدى. ينجەنەرلىك جەلىلەر جۇرگىزىلدى. جۇمىسشىلار ىشكى بەزەندىرۋگە كىرىستى.
2ا جانە 2ۆ بلوكتارىندا ءۇيدىڭ جاقتاۋى كوتەرىلدى. سونداي-اق, شاتىر سالۋ جۇمىستارى اياقتالدى. قازىر تەرەزەلەر مەن ليفتىلەر ورناتىلىپ جاتىر.
3ا جانە 3ب بلوكتارىندا ءۇيدىڭ قاڭقاسى مەن شاتىرى بويىنشا ۇقساس جۇمىستار جۇرگىزىلدى. ليفتىلەر مەن تەرەزەلەر ورناتىلادى. 4ا بلوگىندا (1 كەزەك) ءمونوليتتى جۇمىستار جۇرگىزىلىپ جاتىر.
قۇرىلىس جۇمىستارىن اياقتاپ, بۇرىن اتالعان تۇرعىن ءۇي بلوكتارىن بيىل پايدالانۋعا بەرۋدى جوسپارلاپ وتىرمىز. ءبىر جارىم جىل ىشىندە (2019 جىلدىڭ جازىنان باستاپ) قۇرىلىسى ۇزاققا سوزىلعان نىساندار سانىن 2 ەسەگە ازايتتىق. بيىل تاعى 7 مىڭعا جۋىق ۇلەسكەرگە باسپانا بەرىلەدى. ۇلەستىك قۇرىلىستىڭ ءاربىر وبەكتىسى بويىنشا قادامدىق ءىس-شارالار جوسپارى جاسالدى», دەپ جازدى قالا اكىمى.
