ءوزىنىڭ تۇساۋكەسەر كەزدەسۋىندە الەمدىك رەيتينگتە 64-ورىندا تۇرعان جاپونيالىق يوسيحيتو نيسيوكودان ايلاسىن اسىرعان 23 جاستاعى الەكساندر بۋبليك ەكىنشى كەزەڭدە يتاليالىق ياننيك سيننەرمەن شەبەرلىك بايقاستى. اپەننين تۇبەگىنىڭ وكىلى نەبارى 19 جاستا بولعانىنا قاراماستان قىراعى مامانداردىڭ نازارىن وزىنە اۋدارىپ, كوپشىلىكتىڭ قوشەمەتىنە بولەندى. بىلتىر ول رولان گارروستا شيرەك فينالعا دەيىن جەتىپ, كورەرمەندەردىڭ كوزايىمىنا اينالدى. قازىرگى كەزدە سيننەر اتر تىزىمىندە 32 ورىندى يەلەنۋدە. 2 ساعات 02 مينۋتقا سوزىلعان كەۋارا تارتىستا جەرلەسىمىز 6:2, 6:7, 4:6 ەسەبىمەن ۇتىلىپ قالدى.
ەستەرىڭىزگە سالا كەتەيىك, ءدال وسى دۋبايدا ميحايل كۋكۋشكيننىڭ العاشقى اينالىمدا الەمنىڭ 39-راكەتكاسى, گەرمانيالىق يان-لەننارد شترۋففقا جول بەرگەن ەدى. ەسەپ – 3:6, 2:6.
