قوسىلۋ ناتيجەسىندە Jusan Bank اكتيۆتەر مەن كاپيتال كولەمى بويىنشا قازاقستاننىڭ ەڭ ءىرى بانكتەرىنىڭ ۇشتىگىنە كىرەدى. وسىلايشا, بىرىگۋ اياقتالعاننان كەيىن Jusan Bank اكتيۆتەرىنىڭ كولەمى شامامەن 3 ترلن تەڭگەنى قۇرايدى.
ء«بىز قارجىلىق پوزيتسيالارى بەرىك جانە تسيفرلىق سەرۆيستەرى اسا ىڭعايلى سەنىمدى ءارى زاماناۋي بانك قۇرىپ جاتىرمىز. كليەنتتىك بازالاردى بىرىكتىرۋدىڭ جانە الدىڭعى قاتارلى زاماناۋي تەحنولوگيالاردى ەنگىزۋدىڭ ارقاسىندا ءبىز بىرىككەننەن كەيىن 10%-دان كوپ قۇرايتىن نارىقتاعى ءوز ۇلەسىمىزدىڭ ودان ءارى قارقىندى وسەتىنىنە سەنىمدىمىز», دەپ اتاپ ءوتتى Jusan Bank ديرەكتورلار كەڭەسىنىڭ توراعاسى شيگەو كاتسۋ.
Jusan Bank بۇكىل ەلىمىز بويىنشا 1,1 مىڭ بىرلىكتەن اساتىن ەڭ ءىرى بانكوماتتار جەلىسىن جانە 180-نەن استام بولىمشەلەردى قامتيتىن بولادى. اتفبانكتىڭ Jusan Bank-كە قوسىلۋ ۇدەرىسىن اعىمداعى جىلدىڭ سوڭىنا دەيىن اياقتاۋ جوسپارلانىپ وتىر.
ء«بىز جەكە تۇلعا كليەنتتەر, سونداي-اق شاعىن جانە ورتا بيزنەس ءۇشىن بانكتىك ونىمدەردى دامىتۋدامىز. بارلىق كليەنتتەرگە كرەديت بەرۋ, تاۋارلاردى ءبولىپ تولەۋمەن ساتىپ الۋ, سونداي-اق قاراجات جيناۋ جانە ءوز جيناق قاراجاتىن ينۆەستيتسيالاۋ بويىنشا بىرەگەي ونىمدەر ۇسىنىلاتىن بولادى. ءبىزدىڭ سەرۆيسىمىزدىڭ ەرەكشەلىگى – بارلىق ونىمدەردى ءموبيلدى جانە ينتەرنەت ارنالارى ارقىلى ونلاين الۋ. ءبىز اتفبانكتىڭ بارلىق كليەنتتەرىنە «قوش كەلدىڭىزدەر» دەگىمىز كەلەدى جانە ولار Jusan تسيفرلىق ەكوجۇيەسىنىڭ بارلىق ارتىقشىلىقتارىنا ءوزىنىڭ جوعارى باعاسىن بەرەدى دەگەن سەنىمدەمىز», دەپ ءبولىستى Jusan Bank باسقارما توراعاسى ايبەك قايىپ.
اتفبانكتىڭ Jusan Bank-كە قوسىلۋىنا رۇقسات الۋ تۋرالى بارلىق ءتيىستى قۇجاتتار زاڭنامادا بەلگىلەنگەن مەرزىمدە قازاقستان رەسپۋبليكاسى قارجى نارىقتارىن رەتتەۋ جانە دامىتۋ اگەنتتىگىنە جىبەرىلەتىن بولادى.
ء«بىز الداعى بىرىگۋ پروتسەسستەرىنىڭ ءاربىر كليەنتىمىز ءۇشىن بارىنشا جايلى ءوتۋى ءۇشىن بار كۇشىمىزدى سالامىز. ەكى بانكتىڭ بىرىگۋى بارىسىندا اتفبانكتىڭ بارلىق بولىمشەلەرى مەن سەرۆيستەرى Jusan Bank-كە قىزمەت كورسەتۋگە تولىق كوشكەنگە دەيىن قالىپتى رەجيمدە جۇمىسىن جالعاستىراتىن بولادى», دەپ اتاپ ءوتتى اتفبانك باسقارما توراعاسى گاليا ماحانوۆا.
