ايتۋلى شاراعا قاتىسۋعا قر بعم-ءنىڭ جانە ايماقتىق ءبىلىم باسقارمالارىنىڭ وكىلدەرى, «بوبەك» ۇعببسو-نىڭ قىزمەتكەرلەرى, شەتەلدىك سەرىكتەستەر, عالىمدار, مەكتەپكە دەيىنگى ءبىلىم بەرۋ مەن ورتا ءبىلىم بەرۋ مەكەمەلەرىنىڭ, تجكب جانە جوعارى وقۋ ورىندارىنىڭ باسشىلارى مەن ءوزىن-ءوزى تانۋ ءپانىنىڭ مۇعالىمدەرى, اتا-انالار مەن ستۋدەنتتەر شاقىرىلدى.
فورۋمدا سويلەيتىن قاتارىندا «بوبەك» ۇعببسو-نىڭ باس ديرەكتورى ەلەنا ساكەنوۆا, ء«اۇدۇي» كەاق پرەزيدەنتىنىڭ مىندەتىن اتقارۋشى يرينا كالاچەۆا, «اتا-انالار قامقورلىعى» حالىقارالىق قوزعالىسىنىڭ ءتورايىمى حيميا عىلىمدارىنىڭ كانديداتى كلارا مانسۋروۆا (رەسەي), داعىستان مەملەكەتتىك پەداگوگيكالىق ۋنيۆەرسيتەتىنىڭ تۇزەتۋ پەداگوگيكا جانە ارنايى پسيحولوگيا كافەدراسىنىڭ مەڭگەرۋشىسى, پەدوگوگيكا عىلىمدارىنىڭ دوكتورى, پروفەسسور, رببا كوررەسپوندەنت-مۇشەسى, دجافار ماللاەۆ (رەسەي); جانە ء«وزىن-ءوزى تانۋ» گيمنازياسىنىڭ ديرەكتورى ەلەنا لوسەۆا سىندى عالىم-ۇستازدار بار.
سونداي-اق, حالىقارالىق گۋماندىق پەداگوگيكا ورتالىعىنىڭ پرەزيدەنتى, اكادەميك شالۆا اموناشۆيلي جانە «باستي بۋبۋ» بالالارعا ارنالعان مەكتەپكە دەيىنگى مەكەمەنىڭ سوتسيولوگى ءارى پەداگوگى پااتا اموناشۆيلي كوپشىلىك الدىندا ءسوز الىپ, وزدەرىنىڭ مول تاجىريبەلەرىمەن بولىسەدى. بۇل ازاماتتاردىڭ ەكەۋىنىڭ دە پسيحولوگيا عىلىمدارىنىڭ دوكتورى دەگەن عىلىمي دارەجەلەرى بار.
