وبلىس اكىمى وتكىزگەن القالى جيىنعا قوستاناي, رۋدنىي قالالارى مەن قوستاناي اۋدانىنىڭ اكىمدەرى, وڭىردەگى ءىرى قۇرىلىس كومپانيالارىنىڭ وكىلدەرى مەن «وتباسى بانك» كق باسشىلىعى قاتىستى.
«بۇگىنگى كۇنى بارلىق جۇمىستار مەملەكەتتىك باعدارلامانى ىسكە اسىرۋ مەرزىمدەرىن بۇزباي, قارجىلاندىرۋ كەستەسىنە سايكەس جوسپارلى رەجىمدە جۇرگىزىلۋدە. «نۇرلى جەر» باعدارلاماسىن ىسكە اسىرۋعا 2021 جىلى بيۋدجەتتەن 18,4 ملرد تەڭگە كوزدەلگەن, ونىڭ ىشىندە كوممۋنيكاتسيالىق ينفراقۇرىلىمعا 10,1 ملرد تەڭگە, ساتىپ الۋسىز جالعا بەرىلەتىن تۇرعىن ۇيمەن قامتاماسىز ەتۋگە 3,9 ملرد تەڭگە, كوپ قاباتتى 19 تۇرعىن ءۇي سالۋعا 4 ملرد تەڭگە قاراستىرىلىپ وتىر. 2024 جىلعا دەيىنگى جوسپار بويىنشا وبلىستا تۇرعىن ءۇي سالۋ قارقىنىن جىل سايىن 10%-عا ارتتىرۋ كوزدەلگەن» - دەدى ايماق باسشىسى ارحيمەد مۇحامبەتوۆ.
سونىمەن قاتار, جيىندا «نۇرلى جەر» مەملەكەتتىك باعدارلاماسىن جۇزەگە اسىرۋدىڭ 2022-2024 جىلدار ارالىعىنداعى جوسپارى پىسىقتالدى. باعدارلامانى جۇزەگە اسىرۋعا بىرنەشە ءىرى قۇرىلىس كومپانياسى قاتىسادى. ماسەلەن, جەرگىلىكتى «بك-ستروي» سەرىكتەستىگى الداعى 3 جىل ىشىندە وبلىس ورتالىعىندا كوپ قاباتتى 15 تۇرعىن ءۇي تۇرعىزباق.
«2022 جىلى «بەرەكە» جانە «جاڭا قالا» شاعىن اۋداندارىندا جالپى اۋدانى 76600 ش/م بولاتىن 1240 پاتەرلىك 5 ءۇي سالۋدى جوسپارلاپ وتىرمىز. 2023-24 جىلدارى «بەرەكە» شاعىن اۋدانىندا 2180 پاتەرلىك تاعى 10 ءۇي تۇرعىزامىز» دەدى قۇرىلىس كومپانياسىنىڭ ديرەكتورى ۆالەري پولەشكو.
