15 اقپان كۇنى قاراعاندى وبلىسى شەت اۋداندىق پوليتسيا بولىمىنە اۋدانداعى مەكەمەلەردىڭ بىرىنەن اقشا ۇرلانعانى تۋرالى حابارلاما تۇسكەن. وقيعا ورىنىنا جەدەل-تەرگەۋ توبى جىبەرىلدى. الدىن الا تەرگەۋ كەزىندە بەلگىسىز بىرەۋدىڭ مەكەمەنىڭ كاسساسى تۇرعان بولمەنىڭ قۇلپىن سىندىرىپ, كاسسادان 225 مىڭ تەڭگە ۇرلاعانى بەلگىلى بولدى. ۇرلىق وقيعاسى اقپان ايىنىڭ 13-ىنەن 14-ىنە قاراعان ءتۇنى بولعان. پوليتسيا قىزمەتكەرلەرى ۇرلىق بولعان كۇنى مەكەمەدەگى بەينەكامەرالاردىڭ ءوشىرۋلى بولعانىن انىقتادى. اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 188-بابىنا سايكەس قىلمىستىق ءىس قوزعالدى.
8 ناۋرىز كۇنى كريمينالدىق پوليتسيا قىزمەتكەرلەرىمەن جۇرگىزىلگەن جەدەل ىزدەستىرۋ شارالارى بارىسىندا وسى ىسكە قاتىسى بار دەگەن كۇدىكپەن 24 جاستاعى ازامات ۇستالىپ, مويىنداۋ كورسەتپە بەلگىلەرىن بەردى. تەرگەۋ بارىسىندا كۇدىكتى ازاماتتىڭ ۇرلىق بولعان جەردە كۇزەتشى بولىپ ىستەيتىنى بەلگىلى بولدى.
كۇدىكتى ءوزىنىڭ جۇمىس كەستەسىنىڭ اقپان ايىنىڭ 13-نەن 14-نە قاراعان كۇنگە كەلگەنىن پايدالانىپ, سۇيىكتىسىنە عاشىقتار كۇنىنە سىيلىق جاساۋ ءۇشىن ۇرلىققا بارعانىن ايتقان. سول كۇنى ول مەكەمەدەگى بەينەباقىلاۋ كامەرالارىن ءسوندىرىپ, ۇرلىق جاساعان.
