وتىرىس بارىسىندا مونيتورينگتىك توپتاردىڭ جۇمىسى تالقىلانىىپ, وبلىستىق ءبىلىم باسقارماسى باسشىسىنىڭ, جىتىقارا جانە قاراسۋ اۋداندارى اكىمدەرىنىڭ ەسەبى تىڭدالدى. بۇل تۋرالى وبلىس اكىمى ارحيمەد مۇحامبەتوۆ الەۋمەتتىك جەلىدەگى جەكە پاراقشاسىندا جازدى.
ايماق باسشىسىنىڭ مالىمەتىنشە, مونيتورينگتىك توپتار 2021 جىلعى 1 قاڭتار مەن 6 ناۋرىز ارالىعىندا 3 855 رەيدتىك ءىس-شارا وتكىزىپ, ناتيجەسىندە شەكتەۋ تالاپتارىن بۇزعان 323 نىساندى انىقتاعان.
«بۇگىن كۆي تارالۋىنا جول بەرمەۋ بويىنشا جەدەل شتابتىڭ كەزەكتى وتىرىسىن وتكىزدىم. جەدەل شتاب بۇعان دەيىن ەنگىزىلگەن بارلىق ۇسىنىستاردى قاراپ شىعىپ, 2021 جىلعى 10 ناۋرىزدان باستاپ مىناداي جەڭىلدىكتەردى ەنگىزۋ تۋرالى شەشىم قابىلدادى:
سانيتارلىق تالاپتاردى ساقتاي وتىرىپ, 1-5 سىنىپ وقۋشىلارىن وقىتۋدىڭ ارالاس فورماتىنا كوشىرۋ;
سوو, ساۋدا جەلىلەرى, سۋپەرماركەتتەر, گيپەرماركەتتەرگە ۋاقىت شەكتەۋسىز جانە اپتانىڭ بارلىق كۇندەرى جۇمىس ىستەۋگە رۇقسات ەتۋ. بىراق بۇل نىساندارداعى ويىن-ساۋىق الاڭدارى جابىق كۇيىندە قالادى;
ازىق-ت ۇلىك جانە باسقا دا تاۋارلار ساتاتىن جابىق بازارلاردىڭ جۇمىس ىستەۋىنە اپتانىڭ بارلىق كۇندەرى شەكتەۋسىز رۇقسات ەتۋ;
مونشالارعا اپتانىڭ بارلىق كۇندەرى ۋاقىت شەكتەۋسىز جۇمىس ىستەۋگە رۇقسات بەرۋ.
2021 جىلعى 13 ناۋرىزدان باستاپ سپورتتىق ءىس-شارالار وتكىزۋگە رۇقسات ەتۋ. الايدا مۇنداي شارالارعا كورەرمەندەردىڭ 20 پايىزى عانا جىبەرىلۋى كەرەك. قۇرمەتتى قوستانايلىقتار, كۆي تارالۋىنا جول بەرمەۋ ءۇشىن بارلىق سانيتارلىق-ەپيدەمييالىق نورمالاردى ساقتاۋدى سۇرايمىن», دەپ جازدى وبلىس اكىمى.
