قۇجات تەڭىزدەگى اپاتتاردىڭ زارداپتارىن ءتيىمدى جويۋداعى بىرىڭعاي ەرەجەلەر مەن راسىمدەردى بەلگىلەيدى.
وتىرىستىڭ كۇن تارتىبىنە كەدەن وداعىنا مۇشە مەملەكەتتەردىڭ كەدەن قىزمەتتەرىنىڭ بىرلەسكەن القاسى تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى دا ەنگىزىلدى.
سەناتورلار وتىرىستا بۇدان بۇرىن پارلامەنتشىلەر باستاماسىمەن ازىرلەنگەن زاڭ جوبالارىن دا قاراستىرادى. ولاردىڭ قاتارىندا «قازاقستان رەسپۋبليكاسىنىڭ سوت جۇيەسى جانە سۋديالارىنىڭ مارتەبەسى تۋرالى» كونستيتۋتسيالىق زاڭعا, اكىمشىلىك قۇقىق بۇزۋشىلىق تۋرالى كودەكسكە جانە سوت جۇيەسىن جاڭعىرتۋ ماسەلەلەرىنە قاتىستى باسقا دا زاڭنامالىق اكتىلەرگە وزگەرتۋلەر مەن تولىقتىرۋلار ەنگىزۋ تۋرالى زاڭ جوبالارى بار. اكىمشىلىك راسىمدىك-پروتسەستىك كودەكسىنىڭ 1 شىلدەدەن باستاپ كۇشىنە ەنۋىنە بايلانىستى اكىمشىلىك ادىلەتى جۇيەسىنىڭ تولىققاندى جۇمىسىنىڭ قامتاماسىز ەتىلۋى مەن مەملەكەتتىك ورگانداردىڭ قاتىسۋىمەن بولاتىن سوت ىستەرىندە ازاماتتاردىڭ كەپىلدىكتەرى مەن قۇقىقتارىن ۇلعايتۋ وسى جۇمىستاردىڭ ناتيجەسى بولۋى ءتيىس.
بيۋرو مۇشەلەرى سونىمەن قاتار ماجىلىستەن تۇسكەن بىرقاتار زاڭ جوباسىن تۇراقتى كوميسسيالارعا ءبولىپ بەردى.
