«بۇگىن قوستانايدا قاتارداعى باعدارلاماشى-پوليتسەيدىڭ قاتىسۋىمەن اۋىر قىلمىس جاسالدى. الەۋمەتتىك جەلىدەگى 10-نان استام ادام تىركەلگەن چاتتا ەكى سىنىپتاستىڭ اراسىندا تۋىنداعان جانجالدىڭ سوڭى ادام ولىمىنە اكەپ سوقتى. سىنىپتاسى باعدارلاماشىعا:
دايىن بول, 30 ادام جيناساڭ دا, از بولادى».
جەكپە-جەكتە مەن سەنى ولتىرەمىن, باۋىزداي سالامىن».
جانجالدىڭ شىعۋ سەبەبىن تەرگەۋ انىقتاپ جاتىر.
بۇرىن سوتتالعان سىنىپتاسى 8 ناۋرىز كۇنى تۇنگى ساعات 3-تە ماس كۇيىندە كولىككە ءمىنىپ تانىستارىمەن بىرگە پوليتسيا قىزمەتكەرى تۇراتىن مەكەنجايعا كەلەدى. ءۇيىنەن ءوز اتىنا تىركەلگەن قىزمەتتىك قارۋىن بىرگە الا شىققان پوليتسەي وزىنە قاراي ۇمتىلعان سىنىپتاسىن كورەدى. جاعدايدى دۇرىس باعالاي الماعان قىزمەتكەر ءوز اتىنا ايتىلعان قوقان-لوقىنى ەستىپ, تاپانشا شۇرىپپەسىن باسىپ قالعان. جابىرلەنۋشى سول جەردە جان تاپسىردى.
قازىر پوليتسيا قىزمەتكەرى قاماۋعا الىندى. قىلمىستىق كودەكستىڭ 99-بابىندا كوزدەلگەن كىسى ءولتىرۋ قىلمىسى بويىنشا سوتقا دەيىنگى تەرگەۋ, سونداي-اق قىزمەتتىك تەرگەۋ باستالدى. تەرگەۋ شارالارىن جەكە باقىلاۋىما الدىم» دەپ جازدى پد باستىعى.
