ايماقتار • 08 ناۋرىز، 2021

قوستانايدا ايەلدەر كاسىپكەرلىگىن قولداۋ ورتالىعى اشىلادى

22 رەت كورسەتىلدى

قوستاناي وبلىسىندا ايەلدەر كاسىپكەرلىگىن دامىتۋ جونىندەگى رەسۋرستىق ورتالىق اشىلادى. مۇندا ايەلدەرگە بيزنەس اشۋ جانە كاسىپ جۇرگىزۋ تۋرالى كەڭەس بەرىلىپ، ادىستەمەلىك قولداۋ كورسەتىلەتىن بولادى.  بۇل تۋرالى ەلوردا تورىندە وتكەن «ايەلدەردىڭ ەكونوميكالىق مۇمكىندىكتەرىن كەڭەيتۋ تەتىكتەرى» اتتى ساراپتامالىق وتىرىستاايتىلدى.  جيىنعا قوستاناي وبلىستىق كاسىپكەرلەر پالاتاسى جانىنداعى ءىسكەر ايەلدەر كەڭەسىءنىڭ وكىلدەرى دە قاتىستى.

«ايەلدەر كاسىپكەرلىگىن دامىتۋ جونىندەگى رەسۋرستىق ورتالىقتار قازاقستاننىڭ 17 وڭىرىندە پايدا بولادى. وسى ماقساتتا ۇلتتىق ەكونوميكا مينيسترلىگى، قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا جانە «اتامەكەن» ۇكپ اراسىندا ۇشجاقتى مەموراندۋم جاسالدى. مەنىڭ ويىمشا، بۇل ايەلدەرءدىڭ ءوز مۇمكىندىكتەرىن جۇزەگە اسىرۋعا كومەكتەسەتىن وتە ماڭىزدى باستاما. رەسۋرستىق ورتالىقتىڭ ماقساتى - اقپاراتتاندىرۋ عانا ەمەس، جوبالاردى ناقتى قولداۋ جانە سۇيەمەلدەۋ»، دەدى وبلىستىق ىسكەر ايەلدەر كەڭەسىنىڭ ءتورايىمى ناتاليا بۋلاتوۆا.

قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى لءاززات رامازانوۆانىڭ ايتۋىنشا، رەسۋرستىق ورتالىقتاردا ايەلدەر بيزنەسىن دامىتۋعا باعىتتالعان زەرتتەۋ، ماركەتينگ، وقىتۋ جانە باسقا دا ءىس-شارالار وتكىزىلەدى.

سونىمەن قاتار، ساراپتامالىق وتىرىستا «وتباسى بانكىءنىڭ» ايەلدەرگە ارنالعان يپوتەكالىق كرەديتتەۋ باعدارلاماسىن جۇزەگە اسىرا باستاعانى تۋرالى اڭگىمە بولدى. «باعدارلامانى ىسكە اسىرۋعا «ازيا دامۋ بانكى» قارىزعا 38 ملرد تەڭگە كولەمىندە قارجى ۇسىنىپ وتىر. وسى قاراجات ەسەبىنەن ءبىز وزىنە نەمەسە بالالارىنا تۇرعىن ءۇي ساتىپ العىسى كەلەتىن 3 970 ايەلدى قارجىلاندىرۋدى جوسپارلاپ وتىرمىز»، دەدى «وتباسى بانك» اق-نىڭ باسقارما ءتورايىمى ءلاززات يبراگيموۆا.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار