قوستاناي وبلىسىنىڭ اكىمى 100 جاستان اسقان اجەلەردى قۇتتىقتادى

ايماقتار • 07 ناۋرىز، 2021

قوستاناي وبلىسىنىڭ اكىمى 100 جاستان اسقان اجەلەردى قۇتتىقتادى

74 رەت كورسەتىلدى

حالىقارالىق ايەلدەر كۇنى قارساڭىندا قوستاناي وبلىسىنىڭ اكىمى ارحيمەد مۇحامبەتوۆ 100 جاستان اسقان 3 كەيۋانانى قۇتتىقتادى.

نۇرقانات قۇلاباەۆ

وبلىس باسشىسى الدىمەن 103 جاستاعى نينا يسكاكوۆانىڭ ۇيىنە باس سۇقتى. بۇگىندە عاسىرعا اپكە بولىپ وتىرعان نينا ستەپانوۆنا ءار ءتۇرلى مەكەمەلەردە جۇمىس ىستەپ، كەيىن 22 جىلىن اۋىل شارۋاشىلىعىن دامىتۋعا ارنادى. زەينەتكەرلىككە شىققان سوڭ دا ۇزاق جىلدار بويى اۋلا سىپىرۋشى بولىپ جۇمىس ىستەدى. تىل ارداگەرى «سوعىس جىلدارىنداعى ەرەن ەڭبەگى ءۇشىن» جانە 1-دارەجەلى «ەڭبەك ارداگەرى» مەدالدارىمەن ماراپاتتالعان.

ودان كەيىن اكىم 1-قاڭتار كۇنى 101 جاسقا تولعان نۇربيكە جانبوسىنوۆانى قۇتتىقتادى. سوعىستان كەيىنگى اۋىر ەڭبەك جىلدارى ناۋىرزىم اۋدانىندا ساۋىنشى بولىپ جۇمىس ىستەگەن تىل ارداگەرى مەرەيتويلىق مەدالدارمەن جانە «ەڭبەك ارداگەرى» مەدالىمەن ماراپاتتالعان. كەيۋانا ايماق باسشىسىنا العىسىن ايتىپ، اق باتاسىن بەردى.

«نينا ىسقاقوۆا مەن نۇربيكە جانبوسىنوۆا سىندى اجەلەرىمىز بالالارىن ەڭبەككە، اتا-بابالارىنىڭ سالت-داستۇرلەرىنە قۇرمەتپەن قاراۋعا تاربيەلەگەن تاماشا ارداقتى انالار. ولار – انالىق قۇدىرەت پەن دانالىقتىڭ، تاباندىلىق پەن وتانعا دەگەن شەكسىز سۇيىسپەنشىلىكتىڭ ۇلگىسى.
مەرەكەلەرىڭىزبەن قۇتتىقتاي وتىرىپ، سىزدەرگە، سىزدەردىڭ تۋعان - تۋىستارىڭىزعا زور دەنساۋلىق، جەمىستى ەڭبەك جانە اماندىق تىلەيمىن.
وسى تاماشا مەرەكە سىزدەردىڭ جۇرەكتەرىڭىزدى جىلۋلىق پەن شۋاققا بولەسىن! كەشە فەدوروۆ اۋدانىنا ساپار بارىسىندا 103 جاسقا تولعان گانيمۋرۋي يۋلداشەۆانى قۇتتىقتادىم. جاسى ۇلعايعانىنا قاراماستان، جەتى بالا ءوسىرىپ، ءومىرىن تەمىر جولدا جۇمىس ىستەۋگە ارناعان گانيمۋرۋي اپاي ءالى دە قۋاتتى، قۇتتىقتاۋىمدى قۋانا-قۋانا قابىلدادى»، دەدى ا.مۇحامبەتوۆ.

قوستاناي وبلىسى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز