ايماقتار • 06 ناۋرىز، 2021

قوستانايلىق «توبىل» قازاقستان سۋپەركۋبوگىن جەڭىپ الدى

34 رەت كورسەتىلدى

بۇگىن تۇركىستان قالاسىنداعى «تۇركىستان-ارەنا» ستاديونىندا «استانا» فۋتبول كلۋبى مەن قوستانايلىق «توبىل» قازاقستان سۋپەركۋبوگى ءۇشىن فينالدىق كەزدەسۋ وتكىزدى.

نەگىزگى كەزەڭ تارتىستى ءوتىپ، تارازى باسى 1:1 ەسەبىمەن تەڭ ءتۇسءتى. جەڭىمپاز پەنالتي سەرياسىندا انىقتالدى.

«قازاقستان سۋپەركۋبوگىنىڭ فينالىندا «استانانى» جەڭدىك. نەگىزگى كەزەڭدە تەڭ وينادىق. سودان كەيىن پەنالتيدە 5-4 ەسەبىمەن جەڭىسكە جەتتىك» - دەدى «توبىل» فۋتبول كلۋبىنىڭ ءباسپاسوز حاتشىسى قاسقىرباي قويشىمان.

ءوز تاريحىندا تۇڭعىش رەت قازاقستان سۋپەركۋبوگىن يەلەنىپ وتىرعان   «توبىل»كومانداسىن قوستاناي وبلىسىنىڭ اكىمى ارحيمەد مۇحامبەتوۆ قۇتتىقتادى.

«توبىل» فۋتبول كلۋبىن قازاقستان سۋپەركۋبوگى ءۇشىن فينالداعى جەڭىسىمەن قۇتتىقتايمىن. بۇل بارلىق قوستانايلىقتاردىڭ جەڭىسى. ءبىز العاش رەت سۋپەركۋبوكقا يە بولدىق. بۇل جەڭىس كلۋبتىڭ الداعى تابىستارىنا سەرپىن بەرەتىنىنە سەنىمدىمىن. «توبىل» فك-نا جاڭا فۋتبول ماۋسىمىندا ساتتىلىك تىلەيمىن!» دەپ جازدى ايماق باسشىسى الەۋمەتتىك جەلىدەگى جەكە پاراقشاسىندا.  

 

قوستاناي وبلىسى

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار