ايماقتار • 05 ناۋرىز، 2021

ءار سالا ۇزدىكتەرىنە قۇرمەت تانىتتى

59 رەت كورسەتىلدى

بۇگىن قىزىلوردا قالاسى اكىمىنىڭ ورىنباسارى اسقاربەك ەسجانوۆ 8 ناۋرىز – حالىقارالىق ايەلدەر مەرەكەسىنە وراي ءار سالادا ەسەلى ەڭبەگىمەن ەرەكشەلەنگەن بىرقاتار نازىك جانداردى قابىلداپ، شاھار باسشىسىنىڭ مەرەكەلىك قۇتتىقتاۋىن جەتكىزدى.

«قازاقستان قوعامىندا ايەلدەر، ەڭ الدىمەن، اياۋلى انا، سۇيىكتى جار ودان كەيىن كاسىبي مامان جانە جاۋاپتى لاۋازىم يەسى. سوندىقتان دا ايتۋلى مەرەكە قارساڭىندا ابزال انالار مەن اياۋلى ارۋلارعا لايىقتى سىي-قۇرمەت كورسەتىلۋى ەلدىگىمىزدىڭ بەلگىسى» دەگەن اسقاربەك تەمىربەك ۇلى ايەلدەر قاۋىمىنا مەرەكەلىك لەبىزىن ءبىلدىردى. سونىمەن قاتار ءار سالادا تابىستى ەڭبەك ەتكەن ارداگەر انالار مەن بۇگىنگى قوعامدا ەرلەرمەن يىق تىرەسە قىزمەت ەتىپ جۇرگەن قىز-كەلىنشەكتەردى قالا اكىمىنىڭ العىس حاتىمەن ماراپاتادى.

«قىزىلوردا تازالىعى» جشس جۇمىسشىسى بەيبىتكۇل كوپجانوۆا مەرەكەدە انالاردىڭ مەرەيىن اسىرعان قالا اكىمىنە العىسىن ءبىلدىرىپ، الداعى باستامالارىنا تابىس تىلەدى.

مەرەكەگە وراي ماراپاتتالعاندار قاتارىندا ءبىلىم جانە الەۋمەتتىك سالا ماماندارى، قالالىق سۋ، جىلۋ، جۇيەلەرى مەن اۆتوبۋس پاركىنىڭ جۇمىسشىلارى، مەملەكەتتىك قىزمەتكەرلەر بار.

 

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار