وقۋ-جاتتىعۋ بارىسىندا وبلىستاعى قۇتقارۋ قىزمەتتەرىنىڭ, قالا-اۋدان اكىمدىكتەرىنىڭ الداعى سۋ تاسقىنىنا دايىندىعى تەكسەرىلدى. وڭىردە ەكى كۇن ىشىندە جالپى سانى 20 تاكتيكالىق ارنايى وقۋ-جاتتىعۋ شاراسى وتكىزىلدى. سونداي-اق, ارىقتاردى, سۋ وتكەلدەرىن, قۇبىرلاردى تازالاۋ, ەلدى مەكەندەر اۋماعىنان قار شىعارۋ جۇمىستارى جۇرگىزىلدى. تجد مالىمەتىنشە, وبلىستا جىل باسىنان بەرى بارلىعى 600 مىڭ تەكشە مەتردەن استام قار شىعارىلدى.
وبلىستا سۋ تاسقىنى كەزەڭىنە 162 توننا ججم, 9 مىڭ توننادان استام ينەرتتى ماتەريال, 53 مىڭ قاپ دايىندالىپ, توتەنشە-جاعدايدا قالعان ەلدى مەكەندەرگە ازىق-ت ۇلىك جەتكىزۋ جونىندە نيەت-شارتتار جاسالدى. قاجەت بولعان جاعدايدا ەۆاكۋاتسيالانعان تۇرعىندار ورنالاساتىن جايلار, ءۇي جانۋارلارىن ايداپ اپاراتىن ورىندار انىقتالدى.
ايماقتا كوكتەمگى سۋ تاسقىنىنا قارسى كۇرەس شارالارىن جۇزەگە اسىراتىن 1085 تەحنيكاسى, 116 قايىعى, 365 سۋ سورعىسى, 269 موتوپومپاسى بار جالپى سانى 2 960 ادامنان تۇراتىن ارنايى توپ جاساقتالدى.
الداعى ۋاقىتتا وبلىستىڭ 7 اۋدانىنداعى سۋ ايدىندارىندا مۇز جارۋ جۇمىستارىن جۇرگىزۋ جوسپارلانعان. تجد ماماندارى كۇن سايىن عارىشتىق تۇسىرىلىمدەرگە مونيتورينگ جۇرگىزىپ وتىرادى.
قوستاناي وبلىسى
