– ءبىرىنشى ناۋرىزدان باستاپ 1-5 سىنىپ, ال حالىقارالىق مەكتەپتەردە 1-7 سىنىپ وقۋشىلارى ارالاس وقۋ فورماتىندا وقيدى. مەكتەپ بىتىرەتىن 9, 11 جانە 12-سىنىپتارعا دا وسىنداي تارتىپپەن وقۋعا رۇقسات بەرىلدى. ال بالا سانى 300-دەن اسپايتىن قالا مەن اۋىل مەكتەپتەرىندەگى بارلىق سىنىپ وقۋشىلارى وففلاين ءبىلىم الادى. بۇعان قوسا, ءبىلىم بەرۋ مەكەمەسى اكىمشىلىگىنىڭ شەشىمى بويىنشا ساباقتان تىس ۋاقىتتا 5 ادامنان اسپايتىن توپتاردا وقۋشىلاردى جەكە وقىتۋعا بولادى. شەكتەۋلەر جەڭىلدەتىلدى, بىراق بوساڭسۋعا بولمايدى, – دەدى وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ مىندەتىن اتقارۋشى ءاليا ابدىقايىموۆا.
كوكتەمنىڭ ءبىرىنشى كۇنىنەن قاشىقتان وقىتىپ كەلگەن مەكتەپتەردەگى 1-5-سىنىپتا وقيتىن 82 201 بالانىڭ 81 070-ءى ءداستۇرلى وقۋدى باستاپ كەتتى. وبلىستىق ءبىلىم باسقارماسىنىڭ باسشىسى اقزيرا قاسىموۆانىڭ ايتۋىنشا, ينفەكتسيانىڭ تارالۋ قاۋپىن بولدىرماۋ ءۇشىن وقۋشىلار 5 ساتىدان تۇراتىن دەزينفەكتسيادان وتەدى. وفلاين فورماتتا ءبىلىم الاتىن شاكىرتتەر سانى كوبەيىپ كەلە جاتقانىن مىنادان-اق كورۋگە بولادى:
ءى توقساندا وقۋشىلاردىڭ 79 پايىزى قاشىقتان, 21 پايىزى ءداستۇرلى ءبىلىم السا, 1 ناۋرىزدان باستاپ مەكتەپكە كەلەتىندەر قاتارى 71 پايىزعا جەتكەن. ءبىلىم باسقارماسىنىڭ باسشىسى مەكتەپ فورماسىنا قاتىستى دا قاتاڭ تالاپ قويىلىپ وتىرماعانىن جەتكىزدى. قاۋلىداعى وزگەرىس ەپيدەميالىق احۋالى تۇراقتى وڭىرلەر قاتارىندا تۇرعان سىر بويىندا ءبىراز نىسانداردىڭ جۇمىسىن جانداندىرۋعا جول اشىپ وتىر. بىراق مەرەكەلىك كورپوراتيۆتەردى ۇيىمداستىرۋ مەن وتكىزۋگە, بۋكمەكەرلىك كەڭسەلەردىڭ قىزمەتىنە سالىنعان تىيىم ءالى كۇشىندە تۇر.
