وبلىستىڭ باس سانيتارلىق دارىگەرىنىڭ «كارانتيندىك شەكتەۋ شارالارىن كەزەڭ-كەزەڭىمەن جەڭىلدەتۋ تۋرالى» جاڭا قاۋلىسىنا سايكەس, ايماقتا كارانتين قۇرساۋىن كەڭىتەتىن تاعى دا بىرقاتار وزگەرىستەر ەنگىزىلدى. بىرىنشىدەن, 1 ناۋرىزدان باستاپ مەشىت, شىركەۋ, سوبور, سيناگوگالاردىڭ قىزمەتىنە رۇقسات ەتىلدى. بىراق ءدىني نىسانداردا بۇقارالىق شارالار, ماسەلەن, جۇما نامازىن وتكىزۋگە بولمايدى. ىندەتتىڭ ەتەك الۋىنا جول بەرمەۋ جونىندەگى جەدەل شتاب وكىلدەرى مۇنداي شارالاردى وتكىزۋ ءالى ەرتەرەك دەپ وتىر. سوندىقتان مەشىت جانىنداعى اسحانالار ق ۇلىپتاۋلى كۇيىندە قالدى.
ازىق-ت ۇلىك جانە وزگە دە تاۋارلار ساتاتىن اشىق جانە جابىق ساۋدا ورىندارى, فوتوسالوندار مەن گۇل ساتاتىن دۇكەندەر دە سانيتارلىق تالاپتاردى قاتاڭ ساقتاي وتىرىپ جۇمىس كەستەسىنە سايكەس بەلگىلەنگەن شتاتتىق رەجىمدە جۇمىس ىستەۋگە كوشتى. الايدا ازىق-ت ۇلىك جانە وزگە دە تاۋارلار ساتاتىن جابىق ساۋدا ورىندارىنىڭ جەكسەنبى كۇنى جۇمىس ىستەۋىنە تىيىم سالىنعان.
سونىمەن قاتار وسى دۇيسەنبىدەن باستاپ مەملەكەتتىك مەكەمەلەردىڭ, كۆازيمەملەكەتتىك سەكتوردىڭ, ۇلتتىق كومپانيالار مەن كاسىپكەرلىك سۋبەكتىلەرىنىڭ كەڭسەلەرى دە جۇمىسقا كىرىستى. شەكتەۋ تالابى بويىنشا, مۇنداي كەڭسەلەردە وتىراتىن ماماندار سانى 15-تەن اسپاۋى كەرەك. ال قىزمەتكەرلەردىڭ 60%-ى ءالى دە قاشىقتان جۇمىس ىستەي بەرەدى.
قوستانايدا قالالىق قوعامدىق كولىكتەر اپتانىڭ بارلىق كۇنى جۇرەدى. جابىق سپورتتىق-ساۋىقتىرۋ جانە فيتنەس ورتالىقتارى قىزمەت كورسەتۋ مۇمكىندىگىنىڭ 30%-ىن پايدالانا وتىرىپ ساعات 7-دەن 22.00-گە دەيىن جۇمىس ىستەپ جاتىر. مادەنيەت نىساندارىندا 30 ادامعا دەيىنگى ۇجىمداردىڭ دايىندىق جۇمىستارىن جۇرگىزۋىنە رۇقسات ەتىلدى. تەاترلار مەن كينوتەاترلار دا جۇمىسىن جانداندىردى. بىراق كورەرمەن زالىنا 200 ادام سىياتىن تەاترلارداعى سپەكتاكل قويىلىمدارىن 40 ادام عانا تاماشالاي الادى.
وتكەن جۇمادا وبلىس اكىمدىگىندە كۆي تارالۋىنا جول بەرمەۋ جونىندەگى جەدەل شتابتىڭ كەزەكتى وتىرىسى ءوتتى. جيىندا مونيتورينگتىك توپتاردىڭ جۇمىسى قاراستىرىلدى. مونيتورينگتىك توپتار 1 قاڭتاردان بەرى 3 315 رەيدتىك ءىس-شارا وتكىزىپ, كارانتين ءتارتىبىن بۇزعان 351 نىساندى انىقتاعان. جيىن بارىسىندا وبلىس اكىمى جاڭادان ەنگىزىلىپ جاتقان جەڭىلدىكتەرگە قاراماستان مونيتورينگتىك توپتارعا وڭىردەگى سانيتارلىق-ەپيدەميالىق تالاپتاردىڭ ساقتالۋىن قاتاڭ باقىلاۋدى تاپسىردى. «وبلىس تۇرعىندارىنان كورونوۆيرۋستىڭ تارالۋىنا جول بەرمەۋ بويىنشا قابىلدانىپ جاتقان بارلىق سانيتارلىق-ەپيدەميالىق نورمالاردى ساقتاۋدى سۇرايمىن», دەدى ارحيمەد مۇحامبەتوۆ.
جەدەل شتابتىڭ مالىمەتى بويىنشا, اقپاننىڭ سوڭعى كۇنى وبلىستىڭ 62 تۇرعىنى COVID-19 جۇقتىرعان. قوستاناي قالاسىندا 42 ادامنان كوروناۆيرۋس انىقتالدى. جالپى, قوستاناي وبلىسىندا 2020 جىلعى 3 ساۋىردەن بەرى COVID-19 جۇقتىرعان 12 374 ناۋقاس تىركەلىپ, 10 900 ادام ەمدەلىپ شىققان.
قوستاناي وبلىسى
