ايماقتار • 28 اقپان، 2021

وبلىستىق اسسامبلەيا العىس گيمنىن شىرقادى

13 رەت كورسەتىلدى

رۋدنىي قالاسىنداعى №2 مەكتەپ-گيمنازيانىڭ ونەرپازدار ۇجىمى العىس كۇنىنىڭ گيمنىن جازىپ شىقتى. كوكتەمنىڭ العاشقى كۇنى وبلىستىق اسسامبلەيادا ورىندالاتىن العىس گيمنى وسىدان ءبىر اي بۇرىن جاريالانعان «العىس اۋەنى» بايقاۋىن قورىتىندىلاۋ بارىسىندا انىقتالدى.

بايقاۋعا وبلىستىڭ ءار وڭىرىنەن 20-دان استام مۋزىكالىق تۋىندى كەلىپ تۇسكەن. العىس ايتۋ كۇنىنە ارنالعان ەڭ ۇزدىك شىعارمالاردىڭ اۆتورلارى «دوستىق ۇيىندە» وتكەن سالتاناتتى جيىندا  ماراپاتتالدى.

 - بايقاۋ جەڭىمپازدارىن انىقتاۋ وڭاي بولعان جوق. وزىق تۇرعان بىرنەشە تۋىندىنىڭ قايسىسىن تاڭداپ الامىز دەپ كوپ ويلاندىق. اقىرى  رۋدنىي قالاسىنداعى № 2 گيمنازيانىڭ ۇستازدارى مەن وقۋشىلارى شىعارعان پاتريوتتىق ءاندى  تاڭداپ الدىق. بايقاۋدىڭ باس جۇلدەسىن ارداگەر ۇستاز ناتاليا بۋنكوۆسكايانىڭ «قازاقستانىم مەنىڭ» ولەڭىنە جازىلعان ۆالەري وبرۋچ پەن ەلەنا ءارينوۆيچتىڭ ءانى  جەڭىپ الدى. ونى جوعارعى سىنىپ وقۋشىلارى پولينا  كاسىمسكايا مەن ەليزاۆەتا مالتسەۆا ناقىشىنا كەلتىرىپ تاماشا ورىنداپ شىقتى، - دەدى قازىلار القاسىنىڭ توراعاسى، قازاقستان رەسپۋبليكاسىنىڭ ەڭبەك سىڭىرگەن مادەنيەت قىزمەتكەرى سۆەتلانا وبۋحوۆا.

- ءبىز شىعارماشىلىق توپ بولىپ بىرگە ىزدەنىپ، ءبىر جارىم اپتانىڭ ىشىندە جازىپ شىقتىق. قازىلار القاسى ءانىمىزدى العىس ايتۋ كۇنى مەرەكەسىنىڭ گيمنى دەپ جوعارى باعا بەردى. بۇگىندە بۇل ءان مەكتەبىمىزدە ءجيى ايتىلىپ ايتىلىپ ءجۇر. ويتكەنى ءماتىنى تەز جاتتالىپ قالادى، اۋەنى دە جاعىمدى، جەڭىل، ايتۋعا وڭاي. ۇلى اقىن ابايدىڭ سوزىمەن ايتار بولساق، «تىلگە جەڭىل، جۇرەككە جىلى تيەتىن» تۋىندى شىعاردىق،  ەڭبەگىمىزدىڭ ەلەۋسىز قالماعانى قۋانتادى، - دەيدى تۋىندى اۆتورلارىنىڭ ءبىرى ەلەنا ارينوۆيچ. 

دوستىق ۇيىندە، سونىمەن قاتار، وقۋشىلار اراسىندا وتكەن «العىس ايتۋ كۇنىنە ارنالعان ۇزدىك لوگوتيپ» بايقاۋىنىڭ جەڭىمپازدارى دا انىقتالدى. بقل بايقاۋعا ءبىر اي ىشىندە 100-دەن استام اۆتوردىڭ قولىنان شىققان لوگوتيپ ۇلگىلەرى قابىلدانىپتى.  قازىلار القاسىنىڭ شەشىمىمەن،
العىس ايتۋ كۇنىنە ارنالعان ۇزدىك لوگوتيپ اۆتورى اتاعىنا قارابالىق كەنتىنىڭ وقۋشىسى روستيسلاۆ فومەنكو لايىق دەپ تانىلدى. ەكىنشى ورىن امانگەلدى اۋدانىنىڭ وقۋشىسى ءىنجۋ ماقسۇتوۆا مەن اۋليەكول اۋدانىنان كەلگەن الىبەك يسماعامبەتوۆ، جانسايا ماكەنوۆالارعا بۇيىردى.  ال رۋدنىي قالاسىندا وقيتىن يۋري رىباكوۆ،  قوستاناي اۋدانىنىڭ وقۋشىسى چەمدۋج اناستاسيا جانە اۋليەكول اۋدانىنىڭ ورەندەرى بەكەەۆا گۇلناز، دەميانچۋك ەستەل، ياسۋنسكايتە الينا ءۇشىنشى ورىندى ءوزارا ءبولىسىپ الدى.  

بايقاۋ جەڭىمپازدارىنا ارنايى ديپلومدار مەن باعالى سىيلىقتار بەرىلدى. سونداي-اق، بايقاۋعا قاتىسقانداردىڭ بارىنە وبلىستىق اسسامبلەيانىڭ اتىنان  ديپلومدار مەن ەسكەرتكىش سىيلىقتار تابىس ەتىلدى.

سالتاناتتى جيىننىڭ سوڭىندا دوستىق ۇيىنە جينالعان قاۋىم مەن شاراعا ونلاين رەجىمدە قاتىسىپ وتىرعان قالىڭ كوپشىلىك قوسىلىپ «العىس اۋەنى» گيمنىن اۋەلەتتى.

 

قوستاناي وبلىسى

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار