ايماقتار • 27 اقپان، 2021

قوستاناي وبلىسىندا جوعالعان جىلقىشى 6 كۇننەن كەيىن تابىلدى

3795 رەت كورسەتىلدى

قوستاناي وبلىسىندا وسىدان التى كۇن بۇرىن جوعالىپ كەتكەن جىلقىشى بۇگىن ساعات 11.30-دا قاراعاندى وبلىسىنىڭ شەكاراسىنان تابىلدى.  

وبلىستىق پد-نىڭ مالىمەتىنشە، 21-اقپان كۇنى امانگەلدى اۋدانى ۇرپەك اۋىلىنىڭ تۇرعىنى گۇلنۇر وسپانوۆا «ەۆرازيا-ينۆەست» جشس-نە تيەسىلى ءبىرالى مەكەنىندە جىلقى باعىپ جۇرگەن تابىنشى 1971 جىلى تۋعان امانگەلدى تۇرجانوۆتىڭ 22-اقپانعا قاراعان ءتۇنى جىلقى ىزدەپ كەتىپ قايتا ورالماعانى تۋرالى حابارلاما تۇسىرگەن. 

دەرەۋ امانگەلدى اۋداندىق پوليتسيا ءبولىمى مەن توتەنشە جاعداي ءبولىمىنىڭ قىزمەتكەرلەرىنەن بىرلەسكەن ىزدەۋ توبى قۇرىلىپ، 5 كۇن بويى ىزدەستىرۋ شارالارى جۇرگىزىلگەن. جوعالعان جىلقىشى قارلى بوران باسىلعان سوڭ اۋەگە كوتەرىلگەن تىكۇشاقتىڭ كومەگىمەن وبالى قونىسىنىڭ ماڭىنان تابىلىپ، جەزقازعان قالالىق اۋرۋحاناسىنا جەتكىزىلگەن. دارىگەرلەر تابىلعان جىلقىشى ەسىن بىلەدى، جاعدايى قاناعاتتانارلىق دەيدى.    

«ىزدەستىرۋ شارالارىنا جول تالعامايتىن نيۆا برونتو مارش كولىگىمەن 5 قۇتقارۋشى شىققان. بىراق قالىڭ قار مەن كۇشتى بوران ۇلكەن كەدەرگى كەلتىرىپ، ىزدەۋ ناتيجە بەرە قويمادى. قۇتقارۋشىلار جىلقىشىمەن ەشقانداي بايلانىس ورناتا المادى. 26 اقپان كۇنى جەزقازعانعا نۇر-سۇلتان قالاسىنان قر تجد «كازاۆياسپاس» اق-عا تيەسىلى مي-8امت تىكۇشاعى ۇشىپ كەلدى. الايدا اۋا رايى قولايسىز بولعاندىقتان تىكۇشاق ول كۇنى ۇشا العان جوق» - دەپ مالىمدەدى تجد-نىڭ ءباسپاسوز قىزمەتى.

ابدەن السىرەپ، ارەڭ قوزعالىپ جاتقان امانگەلدى تۇرجانوۆ كەلەسى كۇنى، ياعني 27 اقپاندا ساعات 10:50-دە قامىس اراسىنان تابىلعان. جانسەبىل جىلقىشى 6 كۇن بويى دالادا قالىڭ قاردى پانا قىلعان. ال استىنداعى ەستى جانۋار جىلقىشىنى تاستاپ كەتپەي، يەسىنىڭ جانىندا بولعان.

 

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار