ۋكراينادا ۆيتالي كليچكو, ارسەني ياتسەنيۋك پەن ولەگ تياگنيبوك باستاعان وپپوزيتسيونەرلەر مەملەكەت باسشىسى ۆيكتور يانۋكوۆيچتىڭ رەزيدەنتسياسى ماڭىندا ميتينگ وتكىزدى. بۇل تۋرالى يتار-تاسس حابارلادى.
«ەگەر ءبىزدىڭ تالاپتارىمىز ورىندالماسا, وسىنداي شارا كۇندە وتكىزىلىپ تۇرادى», – دەدى «باتكيۆششينا» فراكتسياسىنىڭ توراعاسى ۋكراينا پارلامەنتىندە.
ميتينگتەن كەيىن ەرەۋىلشىلەر پرەمەر-مينيستر نيكولاي ازاروۆ پەن جوعارعى رادا سپيكەرى ۆلاديمير رىباكدىڭ, سونداي-اق «ۋكراينا تاڭداۋى» قوزعالىسىنىڭ جەتەكشىسى ۆيكتور مەدۆەدچۋكتىڭ ۇيلەرىنە بەت الدى.
«بيلىك بيىك قابىرعانىڭ ارتىنا تىعىلىپ, حالىقتى ەستىمەۋگە بولادى دەپ ويلاماسىن. ولار ءبىزدىڭ كوپ ەكەنىمىزدى جانە قورىقپايتىنىمىزدى ءبىلسىن. بۇگىنگى شارا – ەسكەرتۋ اكتسياسى. ال كەلەسى جولى ءبىز مۇندا ميلليون بولىپ جينالامىز», – دەدى ۋدار پارتياسىنىڭ جەتەكشىسى ۆيتالي كليچكو.
ايدار ورىسباەۆ.
دەرەككوز: Itar-tass.com
فوتو: Itar-tass.com
