ەسكە سالا كەتۋ كەرەك, كەپىلدىك بەرىلگەن وتەمدى الۋ ءۇشىن «AsiaCredit Bank (ازياكرەديت بانك)» اق سالىمشىلارى اگەنت بانكتىڭ كەز كەلگەن فيليالى نەمەسە بولىمشەسىنە بارىپ, نەمەسە www.eubank.kz سايتى ارقىلى تولەم الۋعا ءوتىنىش تولتىرۋلارى ءتيىس. وتەمدى الۋ ءۇشىن سالىمشى جەكە باسىن كۋالاندىراتىن قۇجاتىن كورسەتۋى قاجەت. ەگەر سالىمشىنىڭ ورنىنا باسقا تۇلعا ءوتىنىش بەرەتىن بولسا (سەنىمحات بويىنشا وكىل, مۇراگەر, باسقا دا قۇقىق يەلەنۋشى), وندا اگەنت بانككە: سەنىمحات, نوتاريۋس كۋالاندىرعان مۇراگەرلىك قۇقىعى تۋرالى كۋالىك نەمەسە باسقا دا قۇقىق بەلگىلەۋشى قۇجاتتار ۇسىنىلادى.
قدكبق ەۋرازيالىق بانكتىڭ بولىمشەلەرىنە بارۋدان الدىن, ونىڭ سايتى (https://eubank.kz/asiacreditbank/?lang=kz) ارقىلى: تولەم سومالارىن تەكسەرۋ, بولىمشەلەردىڭ جۇمىسباستىلىعى جانە جۇمىس كەستەسى تۋرالى الدىن الا ءبىلىپ الۋعا كەڭەس بەرەدى.
دەپوزيتتەر بويىنشا كەپىلدىكتەر جانە كەپىلدىك بەرىلگەن وتەمدى تولەۋ تۋرالى جالپى اقپاراتتار قوردىڭ www.kdif.kz سايتىندا قولجەتىمدى. سالىمشىلار اقىل-كەڭەس الۋ ءۇشىن 1460 تەلەفون ءنومىرى, سونداي-اق قدكبق سايتىنداعى چات, @kdif_ask تەلەگرام-چاتى, قوردىڭ Facebook جانە Instagram الەۋمەتتىك جەلىلەرىندەگى deposit.kz رەسمي پاراقشالارى, سونداي-اق info@kdif.kz ەلەكتروندىق پوشتاسى ارقىلى حابارلاسا الادى.
