قوعام • 25 اقپان، 2021

بوراندا جول باستاعان پوليتسەي

42 رەت كورسەتىلدى

بىردە جىلى، بىردە سۋىق قۇبىلمالى اقپاننىڭ باسى بيىل جايلى باستالعانىمەن، تابيعات توسىننان دۇلەي مىنەز تانىتىپ، ءبىر كۇننىڭ ىشىندە اينالانى الاي-تۇلەي قىلىپ كەتتى.

قوستاناي وبلىسىندا 18 اقپان كۇنى كارىنە مىنگەن اقتۇتەك بوران دالا تۇگىل، قالانىڭ ىشىندە تاياق تاستام جەردى كورسەتپەي تاستادى. سول كۇنى كۇشەيتىلگەن قىزمەت تار­تىبىنە كوشكەن قۇتقارۋشىلار مەن پوليتسيا قىزمەتى دەرەۋ وبلىس جولدارىن جاۋىپ، كولىك قوزعالىسىنا شەكتەۋ قويدى. بىراق دۇلەي بوران كوپكە سوزىلمادى. كەلەسى كۇنى اسپان شايداي اشىلىپ، اۋا رايى تۇك بولماعانداي كەيىپ تانىتقانىمەن، جۇرت اۋزىن­داعى كەشەگى بوراننىڭ اڭ­­گى­مەسى ءالى باسىلعان جوق. ءبىرى اۋلا­سىنا تاۋ بولىپ ۇيىلگەن قار­دى ايتسا، ەندى ءبىرى الەۋمەتتىك جەلىگە تاراپ كەتكەن قوستانايعا كىرەبەرىستە اقتۇتەك بوراننىڭ استىندا  كولىكتىڭ الدىنا ءتۇسىپ الىپ، الاسۇرىپ جۇگىرىپ جۇرگەن سارى شەكپەندى پوليتسەي تۋرالى ۆيدەونى ايتادى.                

بۇل پوليتسەيدىڭ كىم ەكەنى كەيىن انىقتالدى. ول بىلتىر ءساۋىر ايىندا ورتەنىپ جاتقان ەكى قاباتتى ءۇيدىڭ ىشىنەن  15 ادامدى امان-ەسەن الىپ شىققان قالالىق پاترۋل قىزمەتىنىڭ ينسپەكتورى امانتاي بايجانوۆ بولىپ شىقتى. قىزىل جالىنعا ورانعان ءۇيدىڭ قورشاۋىنان سەكىرىپ تۇسكەن ول ەسىكتى تەۋىپ سىندىرىپ، تارس ۇيقىدا جاتقان ادامداردى وياتىپ، ويانا الماعاندارىن دالاعا كوتەرىپ شىعارعان. ەڭ الدىمەن 5 جاسار بالانى الىپ شىققان. ء«تىلسىز جاۋمەن» ارپالىسىپ جۇر­گەندە ۇستىندەگى كيىمى جانىپ، قولىن وت قارىپ، يىعىنا دەيىن كۇيدىرىپ العان. ونى ەلەڭ قىل­ماعان پوليتسەي ەرتەسى كۇنى كۇن­دەلىكتى قىزمەتىنە كىرىسىپ كەتكەن. 

ەندى، مىنە، اقپاننىڭ اق بورانىندا ءدۇيىم جۇرتقا ەل اماندىعى ءۇشىن وتقا دا، سۋعا دا تۇسۋگە دايار ەكەنىن دالەلدەگەن امانتايدىڭ ەسىمى –  تاعى دا ەل اۋزىندا.   

– ارىپتەسىم ەكەۋمىز قالا ىشىن­­دە پاترۋلدىك قىزمەتىمىزدى ات­قارىپ ءجۇر ەدىك، كەزەكشىدەن فەدوروۆ اۋدانىنا شىعار تۇس­تاعى جول-كولىك وقيعاسى بولعان جەر­گە جەتىڭدەر دەگەن نۇسقاۋ ال­دىق. قالانىڭ شەتىندە بوران ەكى ەسە كۇشتى. جول مۇلدە كورىنبەيدى، رۋلدە وتىرعان ادامعا ءتىپتى قيىن. وقيعا ورنىنا كەلگەن سوڭ، قالاعا تولاسسىز كىرىپ جاتقان كولىكتەر لەگىن باستاپ كەلە جاتقان بىرنەشە اۆتو­كولىكتىڭ جول شەتىنە شىعىپ، قارعا باتىپ قالعانىن كوردىك. ولار كەيىنگىلەرگە كەدەرگى جاساپ، كولىك كەپتەلىسى پايدا بولدى. سول جەردەگى جۇرگىزۋشىلەردىڭ كومە­گىمەن الگى كولىكتەردى قولمەن يتەرىپ شىعارىپ، جول قوزعالىسىن رەتكە كەلتىردىك. ودان كەيىن اق­تۇ­تەك بورانعا قاراماستان، قالا سىر­تىنا شىعىپ بارا جاتقان بىرنەشە جەڭىل  كولىكتى توقتاتىپ، كەيىن قايتاردىق. الەۋمەتتىك جە­لىگە تاراپ كەتكەن ۆيدەونى سول جۇرگىزۋشىلەردىڭ ءبىرى ءتۇسىرىپ ال­عان شىعار. سول كۇنى ءار كولىكتىڭ ال­دىنا ءتۇسىپ،   جاياۋ جۇگىرىپ ءجۇ­رىپ جول كورسەتۋگە تۋرا كەلدى. ويت­­كەنى جول قاردىڭ استىندا قالدى، قايدا قاراساڭ دا دالا سياقتى. كولىك جول شەتىنە شىعىپ كەتسە، ونى شىعارۋ قيىن. مۇنداي بوراندا كوپ ويلانىپ تۇرۋعا ۋاقىت بولمايدى عوي. ارتتاعى كولىككە قارايلاپ، اقىرىن عانا جۇگىردىم، – دەدى پوليتسيا ينس­پەكتورى. 

امانتاي اقتۇتەك بوراندا كولىكتەردى قاۋىپسىز جەرگە دەيىن شىعارىپ سالۋ ءۇشىن ءارلى-بەرلى كۇرتىك قار كەشىپ، جاياۋ جۇگىرۋمەن بولعان.

قوستاناي قار قۇرساۋىندا قالعان 18 اقپان كۇنى تجد قۇت-­قارۋ­شى­لارى دا كۇشەيتىلگەن جۇمىس تارتىبىنە كوشتى. دەپارتا­مەنت­تىڭ ەكى «كاماز 4318» ارنايى تەحنيكاسى ساعات 18:00-دەن 23:00-گە دەيىن قالا كوشەلەرىن ارا­لاپ، ايالدامالاردا اۆتوبۋس كۇ­تىپ توڭىپ قالعان 673 ادامدى ۇي­لەرىنە جەتكىزىپ تاستادى.

 

قوستاناي وبلىسى

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار